Færsluflokkur: Lífstíll

Samband!!

Ég sver það, ég á í haltumér slepptu mér sambandi við þetta blogg hérna, alltaf að koma og fara, hætta og ekki hætta....veit aldrei hvað ég vil, ef ég væri þetta blogg væri ég löngu búin að sparka mér LoLCool!

hmmmm....

....Ég held að ég sé aðeins að vakna til lífsins á ný LoL! Það er búið að vera margt að gera, ótalmargt að hugsa um og mikil spenna í gangi en nú sé ég til sólar og er glöð og kát svona almennt og yfirleitt....hver veit nema bloggið komi aftur til sögunnar, á stórra loforða Cool!
 
 

Framtíð, nútíð og fortíð....

Þessa dagana á núið ekki upp á pallborðið hjá mér, framtíðin á stóran sess auk þess sem fortíðin treður sér að við og við. Það kostar ótrúlega mikla orku að reyna að rýna sífellt inn í framtíðina og sjá fyrir sér allar mögulegar og ómögulegar aðstæður. Þolinmæði er ekki mín stærsta dyggð og verður seint enda er ég ein af þeim sem get ekki lesið heila bók án þess að skoða endann fyrst. Það hreinlega fer með mig að vita ekki hvernig hlutirnir enda og ég bara þoli ekki langa bið. En núna bíð ég og bið góðan Guð að kenna mér að telja daga mína svo að ég megi öðlast viturt hjarta. Ekki spillir fyrir slatti af auðmýkt, dass af æðruleysi og ögn að hugarró!

Ég hef það þó á tilfinningunni að örlög mín ráðist fyrr en síðar og hver þau örlög verða munu móta næstu ár svo um munar. 

Guð gefi ykkur öllum góð og farsæl, slysalaus áramót og munið að brosa á nýársdag, ég fer alltaf í 24 stunda nýársdagsþunglyndi en reyni þó alltaf að brosa gegnum tárin.

Sunna

 


Gleðileg jól!

Ég óska öllum gleðilegra jóla og ég vona að við getum öll átt góða jólahátið, hvort sem við höldum upp á fæðingarhátíð frelsarans, ljósahátíð eða bara almenna friðarhátið Halo. Hafið það sem allra best og vonandi færir nýtt ár okkur betri tíð með blóm í haga LoLWink!
 
Kær kveðja, Sunna!

Jólagjöfin mín ár......jólablogg II

Ég les oft bæklinga fyrir jól um alls konar varning sem er í boði, ég spái og spuklera í framboði og velti svo fyrir mér eftirspurn heimilisins. 
 
Núna settist ég niður áðan og skoðaði Byko bækling og á baksíðunni eru hugmyndir að nytsamlegum jólagjöfum. Ein vakti althygli mína en það er forláta fitumælinga baðvog. Hún mælir sem sagt líkamsfitu. vökvahlutfall, vöðvamassa og beinmassa....alveg bráðnauðsynleg í pakkann undir tréð......
 
Ég segi það alveg satt að ef einhver gæfi mér svona jólagjöf myndi sá og hinn sami detta af jólakortalistanum mínum og ég myndi ekki tala við þann aðila í amk. ár! Að mæla fitu rétt eftir jól ásamt þyngd er ávísun á þunglyndi fram eftir ári og er ekki ábætandi ofan á kreppur og annað vonleysi Cool!
 
Fitumælingarbaðvog væri því hermdargjöf, ég veit vel hvar mína fitu er að finna og hefur hún komið sér vel fyrir hér og þar og dagleg áminning um fithlutfall væri mér gjörsamlega um megn.....ég kalla þetta því ekki (sorrí Byko) nytsamlega jólagjöf ....heldur einhver sá mesti voði sem ég get hugsað mér og bið því frekar um bók, þó ekki bókina um Óla pres....það er líka einhver sá mesti voði sem ég get hugsað mér og myndi alveg gera mér  hluti ..... Whistling
 
Nóg um ó-nytsamlegar jólagjafir, fleiri hugmyndir einhver??...
 
Næst skrifa ég um um nytsamlegar jólagjafir, ábendingar eru vel þegnar LoL

Eina ósk.....

..........Ég væri ekki í vafa hvers ég óskaði mér.....WhistlingCool!

Jólablogg

Nú verð ég hreinlega að fara að jólablogga hugsaði konan með sér og settist við tölvuna. Eftir að hafa verið í eins ójólalegu skapi og hægt er að hugsa sér miðað við aldur og fyrri störf, sá hún sér þann vænstan kostinn að rífa sig upp úr ládeyðunni og kreppuhugsunum og kíkja í geymsluna eftir jóladóti. Fyrst þurfti þó að þrífa, þar sem ekki er hægt að setja jólaljós í skítuga glugga. Konan þreif eins og enginn væri morgundagurinn og að lokum setti hún ljós í alla glugga og skraut hér og þar í íbúðinni. Að loknu þessu verki settist hún niður, virti fyrir sér ljósin og þá rann upp fyrir henni að jólin koma í allri sinni dýrð, þrátt fyrir kreppur og vonleysi. Þau verða eflaust jafn yndisleg og öll önnur jól, þrátt fyrir að ekki verði hægt að kaupa allt og gera allt eins og alltaf. Smærri í sniðum verða jólin eflaust en það rýrir ekki innihald þeirra, vegna þess að innihaldið rýrnar ekki þó að krónan geri það Cool. Innihaldið er kærleikur, samvera fjölskyldu og vina og fagnaðarerindi sem á enn jafn vel við í dag og fyrir 2000 árum síðan. Fagnaðarerindi sem getur fært okkur von inn í vonleysi og ljós inn í myrkur. Megum við öll hafa það í huga þegar jólin nálgast!
 
Konan á hliðarlínunni óskar ykkur öllum gleðilegs jólaundirbúnings Heart! Jóla

Merkilegt...

....að á meðan allir blogga og blogga sem aldrei fyrr eins og enginn komi morgundagurinn og hafa sterkar og ákveðnar skoðanir á því sem er að gerast, þá hef ég ekkert að segja og blogga ekki neitt......Pinch.

Ég er samt hér og fylgist með í laumi, skil ekki eftir stór spor....hugsa og velti vöngum! Það virkar vel fyrir mig og hver veit nema ég fari og mótmæli á morgun ... ég hef alla vega aldrei verið nærri því en nú, áður fyrr fannst mér mótmæli asnaleg, bara örfáir unglingar og Sigurður A. Magnússon. Núna finnst mér mótmæli lífsnauðsynleg .... svona breytast viðhorf og skoðanir, kannski ég er að þroskast og læra og í fæðingarhríðunum vil ég vera á hliðarlínunni, til að læra meira.....

Farið vel með ykkur yfir helgina .... Heart


Get ekki setið á mér....

Finnst mönnum ekkert að því að hjóla í menn, jafnvel þó að ósammála séu í ákveðnum efnum og höggva þar sem menn eru viðkvæmir fyrir. Það er svo mikið skítasiðferði sem ríkir á netinu og í bloggfærslum að ég verð stundum gjörsamlega orðlaus! Allt er leyfilegt ef þú telur þig vera réttu megin málstaðarins, engin grá svæði og engar málamiðlanir. Það er stundum þannig að maður vonar að orð dæmi sig sjálf en fullorðið fólk getur stundum verið eins og frekir krakkar, halda áfram þangað til fólk sem hefur þroska til segir stopp! Illkvittni og orð sem eru sérstaklega sett fram til að lítillækka og særa lýsa svo lágu þroskastigi að það er ekki hægt að taka málfutning slíkra manna alvarlega!!
 
Ég veit að það er asnalegast í heimi að lýsa í fljótfærni yfir bloggstoppi og blogga svo eftir tvo daga en nú bara gat ég ekki annað LoL, vona að mér verði fyrirgefið Whistling)! 

Þá er það ákveðið!

Kæra fólk nær og fjær!
Ég hef tekið þá ákvörðun, búin að velta henni fram og til baka og loksins náð landi sem betur fer enda búin að vera að veltast um í brimgarðinum (kreppuorðalag) síðustu vikur og daga. Ég ætla að að setja bloggferil minn í stopp og hætta að blogga hér og mun alls ekki heldur blogga þar. Ég bara hef einhvern veginn misst áhugann á þessu enda orðið langt á milli færslna og ég finn að ég hef ekki sama eldmóðinn og áður til að skrifa og ef ég skrifa finnst mér það einna helst vera svona merkingarlaust blaður um dittinn og dattinn. Ég hef samt sem áður enn gaman af því að lesa aðra og hef kynnst mörgum afar góðum bloggurum hér inni á þessum vettvangi og meira segja séð aftur fólk sem ég hafði ekki séð í mörg ár og hef haft gaman af að geta fylgst með inn um blogggluggann. Til ykkar vil ég segja, takk fyrir að vera alltaf skemmtileg, koma mér til að hlægja og allt þar á milli með ykkar skrifum. Þið hafið sannarlega létt mér lífið oft og tíðum þegar ég les skrifin ykkar Heart!
En þar sem ég er svo heimsk að trúa á Guð og finnast kirkjan frábær, þá ætla ég að helga mig því að ljúka náminu mínu og starfa áfram í Neskirkju að barna- og æskulýðsmálum. Ég veit að þetta er alls ekki inn í dag enda margir að nýta sér kreppuumræðuna til að sparka í kirkjuna og þjóna hennar en ég hef svo sem aldrei verið inn þannig að á því verður ekki mikil breyting svo sem til batnaðar. Það er svo merkilegt að það er mikil eftirspurn eftir þessari þjónustu og fullt af fólki sem kemur sjálfviljugt, já það þannig, ótrúlegt en satt, til kirkjunnar og þiggur það sem hún hefur upp á að bjóða, en það er margt fleira í boði en sunnudagsmessur...sem er líka alveg ótrúlegt að margra mati..það er svo margt ótrúlegt í henni veröld og ég mun bara fylgja þeirri sannfæringu sem ég hef og ég ætla að reyna að hætta að taka hluti inn á mig og þær rangfærslur sem vaða uppi án afláts með upphrópunum og köllum. 
Ég þakka samveruna og vona að þið sem hafið lesið hér rausið mitt, eigið eftir að eiga góða tíma og ég vona að þið komist í gegnum það sem fram undan er áfallalaust og ég bið góðan Guð sem ég trúi og treysti að vaka yfir ykkur alltaf og að eilífu!
Sunna Dóra!

Næsta síða »

Um bloggið

Hugsað upphátt

Höfundur

Sunna Dóra Möller
Sunna Dóra Möller
Guðfræðinemi sem stefnir á að útskrifast einhvern tímann og breyta svo heiminum í framhaldi af því!
Mars 2024
S M Þ M F F L
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

Nýjustu myndir

  • Jóla
  • jólatrée
  • P1010337
  • P1010307
  • norðurferð 322

Annað

Heimsóknir

Flettingar

  • Í dag (29.3.): 0
  • Sl. sólarhring:
  • Sl. viku: 2
  • Frá upphafi: 0

Annað

  • Innlit í dag: 0
  • Innlit sl. viku: 1
  • Gestir í dag: 0
  • IP-tölur í dag: 0

Uppfært á 3 mín. fresti.
Skýringar

Innskráning

Ath. Vinsamlegast kveikið á Javascript til að hefja innskráningu.

Hafðu samband