Svona er staðan...

 

Ég er búin að vera heima í dag, fékk í magann  og fór að vorkenna mér. Horfði fram á allt sem að ég á eftir að gera og varð ennþá pirraðri og svo ætlaði ég að fara út í búð  en þá var ruslabíllinn búin að leggja fyrir bílinn minn og ég komst ekki neitt . Pirringurinn bar mig nánast ofurliði....!

Þá allt í einu sá ég smá týru og mér datt í hug að byrja á einhverju af því sem að ég á eftir að gera og viti menn ég sökkti mér niður í ritgerðina mína, og nú er ég komin á kaf í feðraveldi, stofnanagerða illsku og kristinn feminisma! Nú hef ég skrifað tvær síður í viðbót við hitt og er bara komin aftur á skrið.

já, ég hef fullt að gera, það er margt sem að truflar mig, margt sem að ég skil ekki, á fjölskyldu sem að sest ekki á hakann á meðan ég vinn og sinni öðrum málum. Þetta er oft drulluerfitt að samræma allt saman og ég verð stundum alveg úrvinda og uppgefin og langar mest upp í rúm og vera þar fram á vor.

En þegar maður nær að snúa vörn í sókn, snúa sér að málum sem að vekja hjá manni ástríðu og áhuga. Knúsa börnin  sín og eiga gott samfélag við sinn ástkæra eiginmann . Þá er lífið ágætt . Þetta  er alltaf spurning um rétta forgangsröðun og það sem að skiptir mestu máli í lífinu!!

Ég breyti ekki fólki með því að blogga og skrifa athugasemdir við skrif sem að mér líkar ekki. Svo mikill er nú ekki minn máttur, en maður getur reynt að hafa áhrif, ef að það virkar ekki ....þá bara só bí it !

Ég veit hvar ég stend, hverju ég trúi og hvað ég vil að verði. Það ætti að nægja mér í bili.

Þannig að ég er nokkuð bara róleg og yfirveguð og geri tilraun til að leggja gremjuna mína á hilluna í bili .

Bakk tú bissness .... nú horfa á mig þrjú hungruð börn og vilja mat! Þá er bara að hverfa í forgangsröðina og leggja til atlögu við eldhúsið!

Bless í bili.....

Kveðjur frá húsmóður, nema, og útivinnandi konu á fullri ferð!

 

Athugasemdir

[Ásdís Sigurðardóttir, 24.10.2007 kl. 18:02]

Mér finnst þú bara vera í góðum málum skottið mitt. Með hlutina á hreinu og forgangsraðar vel. Hafðu það sem best.

[Jenný Anna Baldursdóttir, 24.10.2007 kl. 18:28]

Þú ert flott kona mín kæra og með hjartað á réttum stað.  Takk fyrir mig, og allt það

[Sunna Dóra Möller, 24.10.2007 kl. 19:55]

Takk jú gæs! Knús á línuna

[halkatla, 24.10.2007 kl. 22:26]

hvað getur maður sagt? ég er bara sammála þeim sem hafa tjáð sig á undan mér, þú virðist hafa jafn mikið gaman af megapælingum og ég - sem er vitaskuld langskemmtilegast

annars var ég að tjá mig hjá Guðrúnu Sæm, það eru til flottir kristnir femínistar og þú ert einn slíkur!

[Birna Dis Vilbertsdóttir (IP-tala skráð) 24.10.2007 kl. 23:04]

Þú ert flott

[Sunna Dóra Möller, 25.10.2007 kl. 09:03]

Takk báðar tvær ....lífið er bara ansi gott á þessum morgni, þó að ég segi sjálf frá hahaha.....það er líka ansi gott að vakna við svona pepp !

Megapælingar eru langskemmtilegastar...........þegar maður dettur niður í stórt plott og týnist, þá er skemmtilegt að vera til!

[Jenný Anna Baldursdóttir, 25.10.2007 kl. 10:21]

Bara á morgunrúnti að fylgjast með "mínum mönnum"

[Sunna Dóra Möller, 25.10.2007 kl. 10:39]

..ég byrjaði morguninn á rúnti og nú er ég dottin inn í svo stóra megapælningu að ég er nánast stend ekki upp til að fara á klósettið...hahaha....ætla aldeilis að deila henni hér þegar að ég er búin að þræla mér í gegnum hana sjálf !

[krossgata, 25.10.2007 kl. 12:10]

Úff ég man um árið þegar ég var í námi, vinnu og með heimili.    Þegar skólanum lauk að vori og ég var bara útivinnandi og húsmóðir, þá svaf ég næstum í hálfan mánuð, þ.e. á næturnar og þegar barnið var á leikskóla.  (Ég vann á kvöldin og um helgar).  Þetta kostar skipulag.  Gott að andinn kom yfir þig - það er gott fyrir sálina að finna að einhver árangur verði þrátt fyrir allt. 

[Margrét St Hafsteinsdóttir, 25.10.2007 kl. 13:23]

Þú ert bara dugnaðarforkur Sunna Dóra og það er líka allt í lagi að komast ekki yfir allt og vera þreytt stundum. Um að gera að hafa bara letisófastundir með fjölskyldunni á milli þótt að ryksugan sé eitthvað að banka í mann

En það er mjög gaman að fylgjast með pælingunum þínum og hvað þú ert mikill mannvinur og með ríka réttlætiskennd.

Knús

[Sunna Dóra Möller, 25.10.2007 kl. 19:49]

Takk Krossgata og Margrét ! Mér þykir svo vænt um þessi orð ykkar og þau hvetja mig áfram svo sannarlega! Takk fyrir mig