Búhú færsla!

Mér finnst einvern veginn kominn tími á eina góða Búhú færslu. Það eru nokkrar ástæður fyrir henni....sko:

 

Húsband flaug til Kenýja í gær, sem er ágætt að öllu leyti, eiginlega bara. Ég hef átt nokkrar stórkostlega dramatískar stundir þegar hann hefur yfirgefið klakann. Hann hefur nú ekki farið oft, en þó nokkrum sinnum. Ég minnist þess helst þegar hann fór fyrir 6 árum síðan til Minneapolis í eina viku. Þá var ég ófrísk af Möttulíusi og átti einhverjar sex vikur eftir þegar hann fór. Ég gat ekki á heilli mér tekið þegar hann fór, veit ekki hvort það voru hormónar vegna langt genginnar óléttu en ég byrjaði að grenja áður en hann fór og ég grenjaði alla vikuna, ég var bara svo viss um að hann myndi ekki koma aftur heim. En hann kom og ég tók gleði mína á ný, eignaðist barnið og tóm gleði bara (þangað til hún fékk magakrampa sem endist í góða þrjá mánuði ! 

 

Núna er ég bara róleg, hef ekki úthellt einu tári og bíst við að ég sé að þroskast enda komin langt á fertugsaldur og stórar stelpur gráta ekki. Þetta er þó lengsti tími sem hann hefur verið í burtu á okkar tíu árum saman og ég er svona pínu dauf í dálkinn og finnst þetta pínu langt enda margt að gera á stóru heimili og ég þarf að hagræða í rekstri til að allt skipulagið smelli saman, en ég ber mig ávallt og iðulega vel og læt ekki bugast fyrr en feita konan hefur sungið!! 

 

Hin ástæða búhúsins er sú að ég verð að minnka bloggveru mína umtalsvert næstu vikurnar. Nú er ég að skrifa og lesa og skrifa og lesa og er búin að setja mig í stórt straff á hinum ýmsustu sviðum sem fela í sér skemmtanagildi. Engin skemmtun fyrir Sunnu, fyrr en hún er komin af stað aftur með ritgerðina!! Og þannig að ég verði farin að sjá árangur. Þetta þýðir ekkert hangs á netinu enda viðurkenni ég að ég er versti bloggfíkill og er stundum klukkutímum saman hangandi á feisbúkk og blogginu. Ég vona að þið séuð ekki núna farin að gráta með mér af því að sorgarstuðull færslunnar er orðin yfirþyrmandi , en þetta eru nauðsynlegar aðgerðir til þess að ég druslist nú til að klára þetta nám. Ég fæ víst ekki háskólagráðu út á blogg! En það er óþarfi að grípa strax til aðgerða eins og að henda mér út af bloggvinalistum, ég mun koma aftur og kíkja hér inn öðru hvoru og jafnvel ef ég les einhverja stórkostlega guðfræðikenningu, þá hendi ég henni hér inn...öðrum til ánægju og yndisauka!

 

Þriðja ástæða búhúsins er ekki prenthæf og tengist skapgerðarbrestum mínum og ég segi að ég er í feitri fýlu út af þessari ástæðu! Jamm og já og fuss og svei . 

 

Ég vona að þið munið öll hafa það gott og vera góð hvert við annað, annars er mér að mæta...

 

Bestu kveðjur tili ykkar allra

 

Sunnasemeraðreynaaðlosnaviðritgerðarkrísumeðþvíaðgeraeitthvaðíþví !

 

 

 

 

 

Athugasemdir

[Birna Dis Vilbertsdóttir (IP-tala skráð) 23.9.2008 kl. 19:13]

Búha með þér.Gangi þér velog húsbandinu þínu

[Sunna Dóra Möller, 23.9.2008 kl. 19:25]

Takk Birna

[Jenný Anna Baldursdóttir, 23.9.2008 kl. 20:20]

Elsku dúllan, knús á þig og láttu sjá þig annað slagið.  Slepptu bölvaðri feisbúkkinni.

Sakna þín nú þegar.

[Sunna Dóra Möller, 23.9.2008 kl. 20:33]

Ég mun sakna ykkar líka, kíki á ykkur öðru hvoru í pásum !

[Anna Ólafsdóttir (anno) (IP-tala skráð) 23.9.2008 kl. 23:02]

Þessa færslu á undirrituð mjög auðvelt með að skilja. Hef svoooo mikið lent í því sjálf að bara verða að stoppa allt bloggrölt til að sinna mínu verkefni. Óska þér alls hins besta - og BTW: Þér verður aldrei hent út af bloggvinalistanum mínum - ekki flóknara en það.

[Helga Dóra, 23.9.2008 kl. 23:21]

Sunna Dóra, þú verður að taka þér sígó pásur og nýta þær bara til að leyfa okkur að fylgjast með hvernig gengur.........

10 ár með Bolla,,, Man vel eftir því þegar ung snót skellti sér í guðfræði nám og fór að skjóta sér í gaur..... Ji, hvað er langt síðan......

Ég vildi að ég væri "bara" að fara að skrifa ritgerð.... Ég er að fara í próf í náttúrufræði og að drepast yfir algebrunni í þessu..... Væri alveg til í að skrifa frekar 4 ritgerðir......

En gangi þér vel og hlakka til að heyra meira frá þér..... 

[Baldvin Jónsson, 24.9.2008 kl. 08:44]

Hvað er kallinn að gera í Kenýa Sunna Dóra?

Hann hefði örugglega gaman af því að heimsækja starf ABC meðan að hann er þarna ef hann hefur tíma. Á ég ekki að "bjóða" honum í heimsókn?

[Jóhanna Magnúsar- og Völudóttir , 24.9.2008 kl. 12:49]

 Gangi þér vel og vonandi varir búhúið ekki lengi ...

[Hulda Lind Eyjólfsdóttir, 24.9.2008 kl. 19:16]

 bhaaaaaaa ég er farin að hágráta

[Brussan, 25.9.2008 kl. 14:28]

Skil þig vel Sunna mín,  ég sef varla þegar húsbandið mitt er að heiman, hann vann í burtu frá heimilini báðar meðgöngurnar, var 2 vikur að vinna og 4 daga heima,   þurfti að hringja daginn sem Greta Örk kom í heiminn og segja honum að bruna í bæinn(hann rétt náði).  En stundum þarf að búhúa til að komast áfram, vona að feita fýla minnki eitthvað við búhúuuið ?

[Erna Geirsdottir (IP-tala skráð) 25.9.2008 kl. 14:40]

Gangi þér vel í grasekkjuhlutverkinu. Sem betur fer líður tíminn hratt þegar maður er svona ótrúlega upptekinn eins og þú verður næstu vikur.

[Halla Rut , 25.9.2008 kl. 22:14]

Kenýa....ekki beint nálægt...

Takk fyrir bloggvináttu.

[Sunna Dóra Möller, 26.9.2008 kl. 14:05]

Takk öll fyrir kveðjurnar!

Anna: ..það er stundum átak að stoppa bloggröltið...mér finnst einhvern eins og maður sé ekki með í samfélagsumnræðum nema að skoða bloggið...það er einhvern veginn svo stórt litróf af öllu sem gerist sem sést á blogginu ! 

Helga: Hætt að reykja...! Nú eru það bloggpásur...eða hlaupapásur ! 10 ár eru sannarlega fljót að líða ...gangi þér vel með lotukerfið !

Baldvin: Bolli er að skoða kristniboðsstöðvar...ég veit ekkert hvernig prógrammið er hjá honum þar sem ég heyri sama sem ekkert frá honum ! En ABC er mjög spennandi og ég er viss um að hann myndi vilja skoða það starf ef hann hefur tíma til !

Jóhanna: Búhúið....er enn smá í gangi...en þetta kemur !

Hulda: Vildu tissjú !

Silla: Fýlan er ekki farin ennþá, er búin að breitast í gremju og pirring aðallega...! Ég bíst við að gott búhú sé stundum bara nauðsynlegt...bara ef maður sér ljósið á ný, þá er allt á réttri leið ! 

Erna: Tíminn nefnilega flýgur og stundum of hratt !

Halla: Takk fyrir samþykktina, ég hef oft mjög gaman að því að lesa það sem þú skrifar! Það er rétt að Kenýja er einhvern vegin alveg í fjarkanistan !

Hafið það gott

[Sunna Dóra Möller, 26.9.2008 kl. 14:07]

Rosalega er þetta eitthvað brosmillt komment hjá mér..horft úr fjarlægð er hér fullt að gulum brosum, ætli búhúið sé ekki bara á undanhaldi hjá mér, miðað við þessa tómu gleði sem blasir við

[Ásdís Sigurðardóttir, 26.9.2008 kl. 19:31]

Obbosí, mín bara alveg á bömmer.  Þetta lagast veru viss. Hafðu það gott um helgina og Kær kveðja

[Sunna Dóra Möller, 26.9.2008 kl. 19:35]

Takk Ásdís...bömmmerinn fer minnkandi ! Hafðu það gott sömuleiðis

[Edda Agnarsdóttir, 28.9.2008 kl. 08:58]

Ég skil þig vel, hef haft mikið að gera sem veldur þreytu og hugmyndaleysi í bloggheimum. Spennandi ferðalag á karli þínum - sjálfsagt skemmtilegra en í suddanum hér hjá okkur. Hafðu það gott ég hugsa þó til þín og hlakka til að lesa þig aftur mín kæra.

[Sunna Dóra Möller, 28.9.2008 kl. 11:17]

Takk Edda og gangi þér vel og farðu vel með þig í öllum þínum verkefnum !