Guðspjall dagsins!

Texti dagsins sem er 4. sunnudagur eftir páska er úr Jóhannesarguðspjalli 15. kafla:

Þetta er mitt boðorð, að þér elskið hver annan, eins og ég hef elskað yður. Enginn á meiri kærleik en þann að leggja líf sitt í sölurnar fyrir vini sína. Þér eruð vinir mínir, ef þér gjörið það, sem ég býð yður. Ég kalla yður ekki framar þjóna, því þjónninn veit ekki, hvað herra hans gjörir. En ég kalla yður vini, því ég hef kunngjört yður allt, sem ég heyrði af föður mínum. Þér hafið ekki útvalið mig, heldur hef ég útvalið yður. Ég hef ákvarðað yður til að fara og bera ávöxt, ávöxt, sem varir, svo að faðirinn veiti yður sérhvað það sem þér biðjið hann um í mínu nafni. Þetta býð ég yður, að þér elskið hver annan.

Ég held að þetta sé texti sem að minnir okkur á hvað er það sem að skiptir mestu máli í lífinu. Jesús segir sjálfur hér að þetta sé hans boðorð, að við elskum hvert annað eins og hann hefur elskað okkur. Þetta er öllum boðorðum æðra!! Hér er það elskan sem að er hið æðsta gildi! Höfum það í huga í dag á þessum sunnudegi.

Kveðja, Sunna Dóra!

 

Athugasemdir

[Margrét St Hafsteinsdóttir, 6.5.2007 kl. 12:56]

Góð sunnudagshugvekja og takk fyrir. Eigðu góðan dag. Kveðjur

[Sunna Dóra Möller, 6.5.2007 kl. 13:13]

Takk Margrét, Sömuleiðis!