Pínu svekkt yfir þessu!

Þó að ég sé afar ánægð með þessa nýju stjórn, þá verð ég að viðurkenna að ég hefði viljað sjá jafnari hlutföll kynja í ráðherraliði Sjálfstæðisflokksins! Ég dreg nú ekki dul á það! Hvernig á að jafna almennt hlut kynja á vinnumarkaði ef að ríkistjórn Íslands styður ekki þá þróun opinberlega í verki!! Ég hugsa að Samfylkingin muni vinna þessa lotu þegar kemur að ráðherravali og hlutfalli kynja! Það kemur þó í ljós á eftir!

Guðlaugur Þór verður heilbrigðisráðherra

Athugasemdir

[Inga Lára Helgadóttir, 22.5.2007 kl. 20:47]

Það eru líka fleiri konur innan Samfylkingar (að ég held), en er þetta kvein um kynjamisrétti ekki orðið svolítið þreytt ég var ánægð með það í byrjun, en þetta er orðið einum of öfgafullt...

Kveðja Inga

[Jón Valur Jensson, 22.5.2007 kl. 20:49]

Nei, trúlega tapar bleiki flokkurinn trúverðugleik vegna sinnar undarlegu aðferðar í þessu máli, samanber innlegg mitt hér!

[Jón Valur Jensson, 22.5.2007 kl. 20:52]

Neiið sagði ég auðvitað við hana Sunnu Dóru (og ekki bara af gömlum vana) -- ekki við innlegginu hennar Ingu Láru, sem setti þarna fingurinn á sannleikann í málinu.

[Sunna Dóra Möller, 22.5.2007 kl. 20:57]

Mér finnst úmræðan um jafnrétti kynjanna alls ekki orðin þreytt og mér leiðist það þegar að um slíkt er rætt! Ég tel þá umræðu afar brýna og á mörgum stöðum í heiminum í dag er hún upp á líf og dauða! Ég tel að það hefði verið farsælla fyrir Sjálfstæðisflokkinn að hafa alla vega 4-2 hlutföll milli kynja. Staða kvenna í stjórnunastöðum almennt er ekki góð og þess vegna á að tala um þetta mál þar til leiðrétting næst! Þegar hún er í höfn þá er hægt að fara að tala um eitthvað annað! kveðja!

[Geiri (IP-tala skráð) 22.5.2007 kl. 21:07]

Þetta þýðir að konur verði 1/3 ráðherra í ríkisstjórninni. Sem eru eðlileg hlutföll enda eru konur bara tæplega 1/3 framboðs almennt í pólitík.

[Sunna Dóra Möller, 22.5.2007 kl. 21:09]

Þannig að það reddast fyrst að samstarfsflokkurinn sér um að jafna hlutföllin.......pínu ódýr afsökun

[Geiri (IP-tala skráð) 22.5.2007 kl. 21:23]

Afsökunin er sú að Sjálfstæðisflokkurinn lýtur á einstaklingana í stað þess að hafa kynjakvóta. En jú þetta eru auðvitað áminning til kvenna í Sjálfstæðisflokknum að standa sig betur og komast hærra á listana. En eins og ég sagði þá er heildarmyndin þegar kemur að ráðherrum í samræmi við þáttöku kvenna í pólitík. Það er alveg eins hægt að gagnrýna Samfylkinguna fyrir það að hafa of margar konur. 

[Sunna Dóra Möller, 22.5.2007 kl. 21:40]

En það er alltaf þetta notað þegar talað er um stöðu kynjanna....að frekar sé litið á einstaklinginn frekar en kyn þegar karlmenn hafa yfirburðastöðu almennt séð á opinberum sem og einkareknum vinnumarkaði! Mér finnst þetta dæmigert tal þegar ekki á að rugga neinum bát. Það er bara mín skoðun! Mér líst mun betur á röðun Ingibjargar núna þegar ég horfi á fréttirnar á stöð2 og segi það og skrifa að Samfylkingin er að standa sig betur að þessu leyti! kveðja, Sunna

[Geiri (IP-tala skráð) 22.5.2007 kl. 21:53]

Að gefa konum styttri leið í pólitík er ekki gott jafnrétti. Jafnrétti er fyrir bæði kynin, ekki bara að bæta stöðu kvenna.

[Sunna Dóra Möller, 22.5.2007 kl. 21:58]

Að sjálfsögðu er jafnrétt fyrir bæði kynin. En ég sé ekki hallað á karlmenn, þeir hafa það bara ansi þægilegt sýnist mér. Ekkert verið að rugga þeirra stólum neitt að ráði!! Þar til leiðrétting næst, þá þarf að grípa til sérstakra aðgerða! Það er staðreynd að það þarf að bæta stöðu kvenna! Þegar að bæði kynin ná raunverulegri jafnri stöðu, þá má fyrst tala um að jafnrétti sé náð. Ég sé það ekki í kortunum hér! Kveðja Sunna!