Komin heim og ber mig barasta vel!

Ég kom heim í hádeginu úr sveitinni með grísina mína þrjá! Við áttum afar góðan tíma og það merkilegt hvað það gerir fyrir mann að fara úr borginni í smá tíma! Það jafnast hreinlega við 3 vikur í Hveragerði !

Ég meira að segja greip í verk og hjálpaði foreldrum mínum í gær að bera á pallinn í kringum bústaðinn. Ég uppskar þó tilheyrandi verki í handleggjum og öxlum en tel það vera gott mál, vegna þess að þetta eru verkir vinnukonu sem að stóð í sólinni og málaði í akkorði ..... !

Við komum bara fjögur í bæinn þar sem að Bolli keyrði norður í gær til að vera við 50 ára afmæli kirkjunnar á Svalbarseyri! Ég á þó von á honum strax aftur í kvöld.

Það er gott að koma heim og sjá að allt er við það sama.....hér inni hefur fólk bloggað sem aldrei fyrr og ég ætla nú að kíkja einn rúnt áður en ég fer á Dómínós og kaupi Pitsu handa okkur þar sem að við ætlum að halda smá afmælisveislu handa undirritaðri sem er víst 32 ára í dag.......svona líður tíminn víst !

Kveðja í bili!

Sunna

Athugasemdir

[Árni Svanur Daníelsson, 28.5.2007 kl. 16:23]

Til hamingju með afmælið.  

[Hildur Inga Rúnarsdóttir (IP-tala skráð) 28.5.2007 kl. 18:14]

Innilega til hamingju með daginn mín kæra

[Guðsteinn Haukur Barkarson, 28.5.2007 kl. 19:26]

Til hamingju með daginn Sunna mín, þú ert þá 1 ári eldri en ég. Guð blessi þig ævinlega !

[Jenný Anna Baldursdóttir, 29.5.2007 kl. 02:12]

Innilega til hamingju með að vera svona ung Sunna Dóra

[Margrét St Hafsteinsdóttir, 29.5.2007 kl. 02:41]

Til hamingju með afmælið kæra blogg vinkona Gott að þú áttir góða helgi Sendi þér stórt afmælisknús

[Sunna Dóra Möller, 29.5.2007 kl. 08:45]

Takk öll fyrir kveðjurnar ! Kveðja, Sunna