Sumarfrí!

Sumarfríið er hafið hjá fjölskyldunni og við að leggja land undir fót! Við hófum fríið í dag á því að ganga upp á Úlfarsfell og stefnum á að leggja fleiri fjöll að velli áður en fríinu lýkur.

Nú á að leggja á Vestfirðina í fyrramálið, en þangað höfum við aldrei komið, alltaf beygt fram hjá og haldið sem leið liggur í átt að höfuðstað Norðurlands og stundum aðeins lengra. Nú á sem sagt að beygja í hina áttina og sjá hvað gerist !

Ég verð því ekki mikið inni á blogginu á næstu dögum, enda sumarið alltof stutt á Íslandi til að vera alltaf inni í tölvunni !

Ég tek mér því enn og aftur bloggfrí fram að næstu helgi og jafnvel lengur fer eftir því hvernig mér gengur að sleppa tökum af tölvunni minni og svo forvitninni á því hvað vinir mínir á þessu bloggi eru að skrafa !

Bless í blilinu og sjáumst síðar og jafnvel fyrr en ella!

Sunna!

Athugasemdir

[Jenný Anna Baldursdóttir, 1.7.2007 kl. 18:08]

Njóttu daganna framundan kæra bloggvinkona.

[Ingólfur H Þorleifsson, 1.7.2007 kl. 18:26]

Þið verðið ekki fyrir vonbrigðum með Vestfirði. Vonandi að veðrið verði áfram eins og það hefur síðustu tvær vikur. Hér er nóg af stöðum og hlutum til að skoða og margar fínar sundlaugar t.d, á Tálknafirði, Patró og að sjálfsögðu hér á Suðureyri.

Verið þið velkomin til Vestfjarða.

[Guðsteinn Haukur Barkarson, 2.7.2007 kl. 20:56]

Ég segi eins og Ingólfur, vestfirðir eru yndislegir - þetta er án efa með þeim fallegri stöðum á Íslandi ! En eigðu gott frí Sunna mín ! Guð geymi þig og verndi í ferðinni!

[Margrét St Hafsteinsdóttir, 4.7.2007 kl. 12:12]

Hafðu það sem best í fríinu, er sjálf að fara á flandur og verð lítið á blogginu á næstunni.  Sjáumst og knús til þín

[Ester Sveinbjarnardóttir, 5.7.2007 kl. 08:07]

Hafðu það gott, vona að þú komir endurnærð til baka.