Klukk.....

 Nú eru góð ráð dýr, enda miklu skemmtilegra að lesa um aðra heldur en að tala um sjálfan sig !

Sko.....

1. Ég er óskaplega flughrædd.....ég fæ yfirleitt snert af taugaáfalli áður en að ég fer upp í flugvél !

2. Mér finnst alveg agalega gott að borða góðan mat, missi yfirleitt stjórn mér og á erfitt með að hætta og borða þangað til að ég get ekki staðið upp.

3. Ég les alltaf endinn fyrst á bókum sem að ég er að lesa. Ég get ekki beðið og lesið alla bókina og ekki vitað hvernig hún endar.

4. Ég er með fullkomnunaráráttu á háu stigi, sérstaklega þegar kemur að námi, þá á eg erfitt með að skila af mér verkefnum ef að mér finnst þau ekki nógu góð.

5. Ég er trúuð og hef alltaf verið það frá því að ég var krakki. Ég arkaði ein í sunnudagaskóla þegar ég var barn og sat alltaf á fremsta bekk. Mestu vonbrigði mín voru að eiga afmæli í maí þegar sunnudagaskólinn var búinn, því þá fékk ég ekki að stjórna happdrættinu en það voru alltaf afmælisbörn sem fengu það.

6. Skemmtilegasta sem ég geri er að vera með fjölskyldunni en ég á alveg óskaplega skemmtilega fjölskyldu, bæði mín eigin og tengdafjölskyldan. Ég er alveg óskaplega heppin með fólkið í kringum mig !

7. Ég get alveg misst mig þegar ég kaupi föt, Kringluferðirnar mínar geta endað með ósköpum. Einnig á ég erfitt þegar ég kemst í fatabúðir í útlöndum. Ég er þó lítil skókona......kaupi sjaldan skó ......bara þegar nauðsyn krefur.

8. Ég veit ennþá ekkert hvað ég ætla að verða þegar ég verð stór...........læt hverjum degi bara nægja sína þjáningu og bíð eftir stóru opinberuninni með þau mál......kannski birtist það mér í draumi einn daginn, hver veit!

En nú er ég farin.......yfir og út! Kannski ég reyni að klukka þau sem enn eru óklukkuð !

Athugasemdir

[SM, 15.7.2007 kl. 13:13]

vonandi tekst ter ad vinna tig utur happdraettis-afallinu...:-)

Hvernig geturdu lesid endinn fyrst?? :-O

[Jenný Anna Baldursdóttir, 16.7.2007 kl. 11:01]

Oh hvað ég er fegin að vera ekki sú eina í heiminum sem tékkar á enda bókarinnar fyrst svo ég geti lesið hana alla í rólegheitunum.  Mér er sagt að þetta sé pervert hegðun en ég held því fram að þetta sé skortur á spennufíkn.

Takk fyrir játningar.

[Guðsteinn Haukur Barkarson, 16.7.2007 kl. 12:22]

hehehe ... gaman að þessu ... þvílíkar játningar! Ég þarf einhverntíma að bjóða þér í mat til þess að sannreyna atriði 2 !

[Margrét St Hafsteinsdóttir, 16.7.2007 kl. 18:56]

Skemmtilegt klukk hjá þér Ég er ótrúlega glögg varðandi enda á bókum og bíómyndum og veit yfirleitt hvernig endirinn verður án þess að kíkja. Synir mínir eru til vitnis um það

Velkomin í "Ekki skókonu klúbbinn" sem hér með er formlega stofnaður

[Ester Sveinbjarnardóttir, 20.7.2007 kl. 17:20]

Ég er líkt og Margrét búin þeirri náðargáfu að sjá fyrir endinn, þarf því ekki að kíkja.

[Sunna Dóra Möller, 21.7.2007 kl. 00:02]

Stundum vildi ég hafa þessa gáfu......þess vegna les ég alltaf endann fyrst, af því að ég veit ekki hvernig hann er og get ekki beðið...........ætli ég öfundi ykkur ekki bara pínu smá

Sylvía: Ég er að jafna mig á þessu með happdrættið........búið að vera langt og strangt ferli en nú sé ég til sólar !

Kveðja, að norðan úr blíðunni!