Að loknu afmæli....

Húsmóðirin á þessu heimili situr hálf dösuð við tölvuna þessa stundina, er að reyna að komast blogghring eftir fjarvist úr bloggheimum síðan í gærkveldi...horfi með öðru á laugardagslögin, er samt ekkert upprifin en fylgist með til að geta haft skoðun á þessu .

Dagurinn byrjaði klukkan 10 í morgun í Bónus. Síðan hófst bakstur klukkan hálf ellefu og eldamennsku lauk klukkan 17.00 en þá hófst afmælið með kvöldmat og kökum í eftirrétt.

Mér finnst alltaf gaman að halda upp á afmæli barnanna minna vegna þess að þau lifa sig svo inn í þetta afmælistand af lífi og sál ! Þannig að þetta er búið í bili. Eldri börnin mín eiga bæði afmæli á jólatíma. Sá eldri 20. des og miðjan mín 2. jan. Þannig að þau verða alltaf hálf ringluð á þessum tveimur vikum vegna gjafaflóðsins sem að flæðir yfir þau á þessum tíma! Sú minnsta sagði einmitt við mig í fyrra þegar ég var að undirbúa afmælið hennar hvort að hún gæti ekki fengið að hafa jólatré í afmælinu sínu og lagði mikla áherslu á það. Hún vildi náttúrulega fá eins og systkini sín en þau hafa alltaf jólatré og skraut í sínu afmæli !!

En hér eru nokkrar myndir frá fögnuðinum!! Eigiði gott laugardagskvöld !

Þrjár Matthildar!

Gúdnæt og síjúgæs!

p.s. farin að horfa á Önnu í Grænuhlíð

Athugasemdir

[Jóna Á. Gísladóttir, 13.10.2007 kl. 22:36]

Til hamingju með daginn

[Jenný Anna Baldursdóttir, 13.10.2007 kl. 22:36]

Vá til hamingju með stelpuna og þvílík afmælisterta.  Namminamm.  Duglega kona.

[Sunna Dóra Möller, 13.10.2007 kl. 22:48]

Takk ..... ég er líka svo södd að ég þarf utanaðkomandi stuðning til að komast á milli herbergja...

[Baldvin Jónsson, 14.10.2007 kl. 00:12]

:)  Til hamingju með Matthildi, bið Guð að gefa henni fallega framtíð fulla af heilbrigði og sjálfstæði

[Laufey Ólafsdóttir, 14.10.2007 kl. 10:08]

Til hamingju með daginn. Glæsilegt veisluborð

[Edda Agnarsdóttir, 14.10.2007 kl. 10:58]

Svakalega eru þetta flottar myndir af dóttur þinni og veisluborðum, stjörnuljós og alles, kakan er ekkert smá flott. Til hamingju með dúlluna þína!

[Sunna Dóra Möller, 14.10.2007 kl. 15:10]

Takk öll