Ok ég viðurkenni...

.....að ég er úthverfaneysluhúsmóðir og plebbi!!

Jams, það er erfitt að horfast í augun við það, en stundum er lífið grimmt og óréttlátt.

Til dæmis þá var opnuð ný risadótabúð á fimmtudaginn við Smáratorg. Ég sór og sárt við lagði að fara ekki þangað fyrr en að um hægðist.

En nei, ég fór þangað áðan, stóð samt ekki í röð eins og fólkið sem að ég sá í hádeginu (alltaf gott að finna einhvern sem er verri en maður sjálfur). En inn stormaði fjölskyldan ásamt 1000 öðrum og fólk stóð með fjarrænt blík í augum að versla sér dót, með grátandi börn sér við hlið sem að störðu tómum augum á stóru litríku kassana!

Út fórum við með tvo Barbie kassa handa stelpunum og héldum áfram sem leið lá niður í Perlu.

Þar var búið að opna enn einn neyslumarkaðinn mér til höfuðs og ég dróst þangað eins og segull og inn stormaði fjölskyldan á ný! Þar ráfuðum við um í leit að einhverju til að kaupa en fórum tómhent út  vegna þess að raðirnar voru ógnarlangar og ég nennti ekki að standa í röð fyrir DVD mynd með Clint Eastwood í aðal hlutverki!

Við fengum okkur í stað þess að borða og héldum svo heim með viðkomu í Skalla og leigðum okkur mynd. Þar var engin röð....engin grátandi, örvætningarfull börn og frústreðaðir foreldrar með fullar körfur af dóti.

Þar kostaði líka myndin miklu minna en í Perlunni og ég þarf ekki að finna pláss fyrir hana í hillunum hjá mér.

Get skilað henni á morgun og bara lifað sátt!

Ég tók samt þátt í þessu æði.....næst fer ég með hauspoka og reyni að láta lítið fyrir mér fara ....svo aðrir sjái ekki að ég er neyslubarn og plebbi!!

Þeinkjú end gúdbæ! Síjúsún!

Athugasemdir

[Ásdís Sigurðardóttir, 20.10.2007 kl. 20:12]

Heppin er ég að búa í sveitinni, ég er ekki með neitt búðaræði. Fyrir svona 12-15 árum hefði ég örugglega verið í þessum röðum, þetta er einn af kostunum við að eldast.

[Sunna Dóra Möller, 20.10.2007 kl. 21:22]

...stundum bara hreinlega missir maður sig...hahahah....ég ætti kannski bara að íhuga búferlaflutninga

[Jenný Anna Baldursdóttir, 20.10.2007 kl. 22:03]

Hefði aldrei trúað að það ætti eftir að henda Vestur- og Miðbæinginn mig að enda sem úthverfa HÚSMÓÐIR, en engin veit sína ævina...

[Ólafur fannberg, 21.10.2007 kl. 10:24]

[Birna Dis Vilbertsdóttir (IP-tala skráð) 21.10.2007 kl. 21:30]

Fer kannski í þessa búð fyrir jólin Ég þarf eð endurnýja dótalagerinn í ömmubæ.

[Laufey Ólafsdóttir, 22.10.2007 kl. 14:17]

Það eina sem ég hugsaði þegar ég sá sýnt frá þessari búð í sjónvarpinu var: "Búa svona mörg börn á Íslandi?" Ég sé þetta einfaldlega ekki ganga upp. Þetta er of mikið!

Kv. Miðbæjarhúsmóðir

[Sunna Dóra Möller, 22.10.2007 kl. 17:43]

Ég er alveg sammála þér Laufey, svo er verið að opna annan eins geim bráðum......ég hef einhvern veginn svo litla trú á að þetta gangi upp á svona litlu landi......samt var ótrúlega mikið af fólki þarna og ég líka

Takk öll