Lítil saga um konu með fullkomnunaráráttu ;-)!

23.11.2007 | 19:39

Lítil saga um konu með fullkomnunaráráttu ;-)!

Ég gerði aðra tilraun í dag til að kaupa jóladisk þessara jóla og fór núna í tvær búðir frekar en eina og ekki var hann til! Ég er farin að halda að hann sé ekki kominn út og ég sé eitthvað snemma á ferð, ég er að hugsa um að gera aðra tilraun í næstu viku, nær mánaðarmótum!

Ég hef alltaf verið snemma á ferð í jólaundirbúningi, búin að setja upp ljós og smá skraut fyrir mánaðarmótin nóv/des. Ég held að ástæðan sé sú að ég hef alla mína hunds og kattartíð verið í prófum í desember og þess vegna hef ég alltaf viljað vera búin að setja eitthvað upp áður en álagið hefur brostið á. Núna eftir þessa erindisleysu í dag, ákvað ég bara að skella mér í geymsluna og ná í seríurnar mínar, þó að ég sé ekki að fara í próf, þá liggur ritgerðin á mér og ég ákvað að drífa í að setja upp ljósin. Ég skundaði niður og hélt á stórum kassa upp, fór að vinna úr flækjum og gekk þetta greiðlega. Síðan kom að því að setja upp herlegheitin. Ég sem kona með fullkomnunaráráttu á háu stigi, fór að telja út í gluggana.......ég get ekki skellt þessu upp svona tilviljanakennt. Ég tel út fjöldann í hverja hlið gluggans, svo set ég þær upp alveg þráðbeinar, með nánast sama bili á milli hvers ljós upp á millimeter. Síðan lími ég þetta alveg blýfast vegna þess að ég þoli ekki seríu sem að hangir hálf niður í glugganum ....mér finnst það svo druslulegt að ég bara krullast upp !

Núna nokkrum tímum seinna eru komnar seríur í þrjá glugga....komst ekki yfir meira, þetta tekur mig svo langan tíma !

Á morgun er plönuð Ikea ferð og Garðheimaferð. Mig vantar eina seríu í einn glugga og svo hef ég aldrei getað átt aðventuljós, vegna þess að á einhvern dularfullan hátt eyðileggjast alltaf þau sem ég á. Núna ætla ég að gera eina tilraun enn...!

Ég ætla þó ekki að setja á svalirnar strax, bíð fram yfir mánaðarmót með það!

En mikil skelfing eru þessi ljós notaleg ! Þetta er það besta við aðventuna og jólakomuna, það er hlýjan og ljósin!

Verum góð hvort við annað, verið hress, ekkert stress og bless!

Eigið gott föstudagskvöld !

Meginflokkur: Bloggar | Aukaflokkar: Dægurmál, Lífstíll, Vinir og fjölskylda | Breytt s.d. kl. 21:20 | Facebook

Athugasemdir

Ég elska fátt eins mikið og fallega lýsingu allt árið um kring, þessvegna set ég ekki jólaljósin upp fyrr en um 10.des. Njóttu ljósanna þinna.

Ásdís Sigurðardóttir, 23.11.2007 kl. 21:24

Ég er búin að setja jólaljós á handriðið á pallinum fyrir framan hús! Það er búið að vera svo svart úti að ég varð að ger eikkað.

Mig vantar netfangið þitt þarf að skrifa þér smávegis?

Edda Agnarsdóttir, 23.11.2007 kl. 21:25

Takk Ásdís, sömuleiðis

Edda: Það er sunnamo@hi.is ! Ég þarf líka að setja út á svalir, þegar þú segir það, þá er ægilega dimmt að horfa út um gluggann þessa dagana!

Sunna Dóra Möller, 23.11.2007 kl. 21:39

Með hverju límirðu upp seríur svo þær tolli? Hjá mér losna límböndin svo seríurnar hanga óreglulega niður í gluggunum, sveigjast slyttingslega héðan og þaðan frá hliðarkörmunum og lognast út af í gluggakistunni.

Ólöf Ingibjörg Davíðsdóttir, 24.11.2007 kl. 18:12

Ég nota límband.....mikið af því hahaha...glært...set alveg tvö til þrjú yfir hvert ljós, sérstaklega í hornunum og hef það nokkuð langt, til að það nái vel yfir hvert ljós og tolli þannig vel á gluggakarminum..!

Sunna Dóra Möller, 24.11.2007 kl. 19:20

Ég gafst upp á límböndunum þegar ég var farin að nota heila rúllu fyrir hverja seríu!! núna nota ég teiknibólur, allt pikkfast en BTW ég er eins og þú, tel, deili og liggur við mæli, þetta þarf að vera perfect, svo þegar ég horfi í gluggana hjá nágrönnunum og sé eitt og eitt ljós hanga niður þá langar mig að banka upp á

Huld S. Ringsted, 24.11.2007 kl. 20:27

Nú veit ég hvernig ég redda jóastemmningunni fyrir dæturnar í desember, læt þær lesa bloggið þitt og Jennýar

Anna Ólafsdóttir (anno) (IP-tala skráð) 24.11.2007 kl. 23:09

Gott að fleiri eru jafn "anal" og ég með seríurnar. Ég geri það sama og litir skipta einnig gífurlegu máli. Var eitt árið hrósað fyrir fallegustu gluggaserírnar í hverfinu. Var svo upp með mér að þær héngu fram í apríl (NB. Léleg afsökun fyrir slóðaskap).

Laufey Ólafsdóttir, 25.11.2007 kl. 00:04

Ég get svarið það þið þarna smámunasömu konur, hér hendi ég upp ljósum með því að slengja seríu á glugga og láta hana leggjast eins og hún kemur fyrir af skepnunni. Djók, en er ekki alveg svona "anal" eins og þið.

Anna mín, hvað myndirðu gera ef þú hefðir ekki okkur jólakjéddlurnar?

Smjúts SD, þessi færsla fór fram hjá mér á föstudag. Æmoldandtæerd.

Jenný Anna Baldursdóttir, 25.11.2007 kl. 02:07

Ég snéri á þyngdarlögmálið með því að ganga í lið með því: legg bara seríurnar strax í gluggakisturnar eftir endilöngu, stundum vafðar saman við einhverjar skrautlengjur, eða treð þeim ofan í stóra, gegnsæja blómavasa. Reyni stundum að vera voðalega innlits-útlitsleg og hafa skrautepli með í vasanum og láta hluta af seríunni hanga yfir vasabrúnina. Finnst bara heimili mitt alltof retró til að svona nútímaskreytififf sé að gera sig. En serían kemst í gluggann fyrir vikið og þá er réttlætinu fullnægt.

Ólöf Ingibjörg Davíðsdóttir, 25.11.2007 kl. 09:03

Huld: Mér hefur aldrei dottið í hug að nota teiknibólur....það er of sniðugt, vegna þess að þegar ég er með þetta límband er ég orðin eins og þrumuský....alveg ægilega pirruð...sérstaklega þegar ég set í hornin !

Anna: jólastemningin er svo frábær....vona bara að fólk haldi að ég sé ekki alveg kreísí í jólaundirbúningnum...hahahhaa....ég er nefnilega bara nokkuð róleg, hef bara svo gaman af þessu jólastússi! Þetta er uppáhaldstíminn minn á árinum ég hreinlega elska jólin og aðventan er minn besti tími á árinu .

Laufey; frábært að heyra af fleirum sem eru svona með ljósin og til hamingju með fallegustu seríurnar ! Ég er þannig að ég set þær upp og fer svo út til að skoða hvernig þetta kemur út, utan frá...alveg ótrúlega smámunasemi hahahaha !