Smá jólablogg ásamt ýmsu öðru :-)!

Ég ákvað með sjálfri mér hér við tölvuna að jólablogga þessa færslu en svo að taka pásu fram á næsta sunnudag (fyrsti í aðventu) en þá breytist þetta blogg í jólablogg Sunnu og þá verður massíft bloggað um jólin og undirbúning þeirra hér á bæ! Ekkert verður gefið eftir !

Annars þjóðfstörtuðum við í sunnudagaskólanum í morgun og sungum "Bráðum koma blessuð jólin" og það var bara gaman, enda held ég að leikskólar séu byrjaðir að syngja jólalög, alla vega hvíslaði ein lítil því að mér í morgun !

En hér hefur verið nóg að gera um helgina, ég fór eins og stormsveipur í gær um helstu verslunarhallir Reykvíkinga (ekkert verið að hætta að kaupa á kauplausa deginum hér á bæ, vissi ekki einu sinni af honum ). Ég fór í Kringluna, Ikea og Garðheima að skoða jólalandið. Þegar heim var komið, þá var farið í stórþrif. Ég get ekki sett upp jólaljós í skítuga glugga, það bara passar ekki ! Þannig að það voru dregnar fram hreinsunargræjur (voru lengst inni í skáp, farnar að rykfalla ) og tekið til hendinni. Fullt af ruslapokum var hent, ásamt því að sorterað var í dótakössum og öðrum kössum og útkoman var bara nokkuð fínt heimili þó að ég segi sjálf frá.

Útkoman er nokkurn vegin þessi, en hér á eftir fylgja smá myndir af afrakstri gærdagsins:

Þetta eru svona fyrstu myndir af jólaljósum heimilisins...en úti er ekkert voða jólalegt...:

Þessi er tekin út um stofugluggann, yfir Rauðavatnið....heldur dimmt !

En það er hlýtt inni og þar eru þessar tvær:

 

Eigði góða vinnuviku framundan og farið varlega í hálkunni og rokinu og kuldanum og og og og....!

 

 

 

 

Athugasemdir

[Jenný Anna Baldursdóttir, 25.11.2007 kl. 17:29]

Yndisleg færsla og flottar myndir.  Falalalalalalala!

[Anna Ólafsdóttir (anno) (IP-tala skráð) 26.11.2007 kl. 00:29]

Ekki er ég nú hissa á að sjá Jenný hér með fyrsta komment - jólajólajólajóla.......  (það vantarjólasveinakall) En ég get ímyndað mér að útsýnið sé æðislegt hjá þér á fallegum degi.

[Sunna Dóra Möller, 26.11.2007 kl. 08:42]

Það er mjög fínt útsýni hér þegar það er ekki svona dimmt, Að búa hér við efst í Árbænum er eiginlega næst því að vera í sveit í borginni hahaha !