Hæ!

21.12.2007 | 21:36

Ég er búin að öllu, ég er ekki að ljúga ! Ég er búin að pakka inn gjöfum og koma þeim út, ég er búin að skúra og þrífa, ég er búin að setja upp jólatré, búin að taka Rjúpurnar út úr frystinum, búin að versla í matinn...það tók á að hugsa viku fram í tímann í þeim efnum og mér finnst eitthvað svo hversdagslegt að hugsa um matinn næstu tvo dagana að ég gat ekki séð það fyrir mér, þannig að hér verður ekki borðaður kvöldmatur fyrr en á mánudag! Ég er nefnilega í hátíðarskapi og get ekki hugsað á hversdagslegum nótum aftur fyrr en í fyrsta lagi 6. janúar !

Annars er ég bara góð og mér líður vel og veðrið er gott og sól fer brátt hækkandi á himni og það er hlaupár framundan þannig að það er ekki hægt að vera annað en bjartsýn. Það hefur sko ekki komið 29. febrúar í fjögur ár.....hvað er það skemmtilegt mín kæru !

Ég vona að þið eigið gott kvöld og hagið ykkur vel því að Gáttaþefur er á faraldsfæti og maður veit aldrei hverju hann tekur upp á!

Segið bara síííííís...og brosið...þið vitið aldrei nema það sé verið að taka af ykkur mynd !

Góða nótt

Meginflokkur: Bloggar | Aukaflokkar: Dægurmál, Lífstíll, Vinir og fjölskylda | Facebook

Athugasemdir

ég er sko hress, eða reyni allavegana. Þú ert svaka dugleg stelpa. bara sturtan eftir hjá þér

Ásdís Sigurðardóttir, 21.12.2007 kl. 21:56

góða rótt og sofðu rótt

Ólafur fannberg, 21.12.2007 kl. 22:14

Dugnaðarkona!! Það eru svo róleg jól framundan hjá mér að ég veit varla hvað ég á að gera af mér næstu daga, dætur farnar og við bara tvö ein (og hundar)

Gleðileg jól, hafðu það sem allra best yfir hátíðirnar

Huld S. Ringsted, 21.12.2007 kl. 23:24

Gott hjá þér Sunna Dóra mín, þá er bara að njóta þess að vera til.

Ásthildur Cesil Þórðardóttir, 22.12.2007 kl. 11:16

Duglegust.Ég á eftir að skúra og kaupa grænmeti.Er að fara í Smárann og endurheimta debetkortið mitt sem hraðbankinn át í gær í miðjum innkaupaleiðangri.

Birna Dis Vilbertsdóttir (IP-tala skráð) 22.12.2007 kl. 11:38

Hahahaha....það liggur við að það sé bara sturtan eftir.....spurning um að flýta jólunum bara !

Birna: ég vona að kortið sé komið í þínar hendur aftur.....gremjulegt að lenda í svona í miðjum innkaupaleiðangri, það er nú ekki svona gaman að fara í Smáralindina korteri fyrir jól !

Huld: Njóttu jólanna eins vel og þú getur, ég skil þig svo vel, ég verð hálf handa- og fótalaus þegar krakkarnir mínir eru ekki heima....svo ég tali nú ekki um jólin! Hafðu það sem allra best

Ásthildur: Já, nú er bara að njóta og slaka á !