Laugardagur: Þriðji í afmæli!

Sigrún Hrönn Bolladóttir miðjan okkar, átti afmæli 2. janúar síðastliðinn eins og komið hefur fram áður hér á blogginu. Hún fékk að halda lítið fjölskylduboð, síðan fékk hún að bjóða bekkjarvinkonum heim og í dag var frænkuafmæli, en þá bauð hún uppáhaldsfrænku sinni að koma í smá eftirá afmæli.

Við fjölskyldan glöddumst mikið yfir smá snjóföl þegar við vöknuðum og við ákváðum að drífa afmælisgestinn og börnin okkar upp í Bláfjöll og reyna sleðana sem að stelpurnar fengu í jólagjöf. Við dúðuðum okkur upp og héldum af stað og þetta var satt að segja alveg ægilega gaman. Ég meira segja renndi mér sjálf á snjóþotu. hef ekki gert það í mörg ár.....og ég er enn á lífi !

Hér eru nokkrar myndir af okkur í snjónum :

Hér er annars ósköp hefðbundinn sunnudagur í gangi. Sunnudagaskólinn hófst í morgun og við fengum fulla Bessastaðakirkju og það var góð stund sem við áttum í morgun. Bolli hefur líka verið að vinna í dag, sunnudagaskóli, messa og skírn. Þannig eins og ég segi að nú er einhvern veginn allt komið í samt horf eftir jólin, búið að taka smá tíma að komast í þann gír en hann er alveg ágætur, hversdagsgírinn . Framundan vinnuvika og fríhelgi næstu helgi, þannig alltaf nóg að hlakka til er það ekki !Eigiði gott kvöld og góða viku !

Athugasemdir

[Jóhanna Magnúsar- og Völudóttir , 13.1.2008 kl. 17:39]

Æðislega skemmtilegar myndir, úff hvað mig langar í svona snjóleik! ...Takk æðislega fyrir fallegu orðin þín á mínu bloggi.

[Ásdís Sigurðardóttir, 13.1.2008 kl. 18:19]

Það jafnast ekkert á við góða útivist í snjó og góðum félagsskap.  Knús til ykkar.

[Jenný Anna Baldursdóttir, 14.1.2008 kl. 16:29]

Yndislegar myndir og yndislegt líf, bæði til hvunndags og hátíðar.  Svoleiðis á það líka að vera.  Knús á þig.