Öskudagur!

MAMMA VEISTU HVAÐA DAGUR ER Í DAG...........ÞAÐ ER ÖSKUDAGUR!!!! Þetta vaknaði ég við klukkan 7 morgun þegar fimm ára dóttir mín sem er búin að bíða eftir þessum degi síðan fyrir jól hrópaði upp yfir sig af tómri gleði og ég held að hún hafi í raun og veru verið spenntari fyrir þessum degi en aðfangadegi !

Hér var síðan byrjað að spreyja og mála og gera stelpurnar tilbúnar með tilheyrandi yfirspenningi og gleði. Möttulíusinn minn fór í leikskólann en þar var öskudagsball en ég fór á rúntinn með Sigrúnu og vinkonu hennar. Þar breyttist ég í brjálaða öskudagsmömmu og fylltist sælgætismetnaði fyrir hönd dóttur minnar og við brunuðum búð úr búð, fyrirtæki úr fyrirtæki þar til pokar og pinklar voru fullir af sælgæti. Þetta var reyndar alveg hrikalega gaman og ég átti svo erfitt með að fela hláturinn stundum því að þessar tvær vinkonur voru alveg óborganlega fyndnar og kotrosknar yfir þessu öllu saman, enda í fyrsta sinn sem að þær syngja fyrir nammi !

Ég man það sjálf þegar ég söng í fyrsta skipti fyrir nammi (hér kemur reynslusaga ) en þá var ég tólf ára. Við vinkonurnar bjuggum til okkar eigin búninga í handavinnu í skólanum, saumuðum öskupoka á okkur og vorum ekkert smá flottar. Síðan fórum við upp í iðnaðarhverfi í Árbænum og enduðum á stöð 2 um kvöldið en þá var Vala Matt og Helgi Pé með svona, Ísland í dag þátt og við fengum að koma og syngja lagið okkar og spjalla um öskudag! Okkur fannst þetta ekkert smá skemmtilegt, við bjuggum meira að segja til okkar eigin texta við lagið Fyrr var oft í koti kátt, sem að hljómaði svona: Einu sinni á öskudag, krakkar fór´í bæinn. Til að syngja lítið lag fyrir poka af nammi. Margt eitt kvöld og margan dag, átum við í næði: Kóka Kóla, marabú, kan kan, kúlu og æði! Já...það er greinilegt að í mér leynist snillingur, það er alveg ljóst af þessari litlu reynslusögu um mínar fimm mínútur af frægð árið 1987 !

Annars er herra letipúki búinn að banka upp á hjá mér í dag og hvísla að mér að ég þurfi ekkert að gera neitt (Gestgjafinn var að koma í hús og ég ógó upptekin við að lesa ).....ég er samt að reyna að snúa hann niður enda liggur fyrir að búa til ratleik fyrir 10-12 ára börn í Melaskóla sem að verður á föstudaginn á Vetrarhátíð í Reykjavík og er þemað nærumhverfi barnanna. Jams....mér fellur aldrei verk úr hendi !

Veriði góð og ekki með neitt vesen....!

Myndir af kynjaverum:

 

 

Athugasemdir

[Ásdís Sigurðardóttir, 6.2.2008 kl. 15:09]

Æ, þetta er svo ótrúlega gaman.  FLottur textinn hjá ykkur !!  Eigðu góðan dag, vona að þú ratir í rúmið til að hvíla þig líka.

[Jóhanna Magnúsar- og Völudóttir , 6.2.2008 kl. 15:11]

Skemmtilegar myndir! .. Ég lofa EKKI að vera ekki með vesen hehe..

[Sunna Dóra Möller, 6.2.2008 kl. 15:13]

Hahaha....já ég vona það líka, það væri verra ef að það kæmi í fréttum í fyrramálið: Smáborgaraleg úthverfahúsmóðir fannst á ráfi í Árbænum syngjandi "Fyrr var oft í koti kátt"......sagt er að hún hafi ekki ratað í rúmið !

[Sunna Dóra Möller, 6.2.2008 kl. 15:13]

Það er eins gott Jóhanna !

[Helga Dóra, 6.2.2008 kl. 17:19]

Dóttir mín er einmitt kúrekastelpa í dag eins og önnur þín og fór í Smáralindina með pabbanum og stjúpsystir að syngja. Ég söng aldrei fyrir nammi. Hélt að þetta hefði ekki verið komið í okkar ungdómi???

[Huld S. Ringsted, 6.2.2008 kl. 20:45]

Ég get ekki lofað neinu með vesenið, mér skilst á stjörnuspánni minni að ég sé komin með nýtt áhugamál-að valda usla!!

Flottar myndir af furðuverum  

[Linda litla, 6.2.2008 kl. 22:50]

Æðislegar myndir hja þer.... eg klikkaði alveg a myndavelinni i dag. Skil ekki hvaða klaufaskapur það var, strakurinn minn var töframaður.

Mer finnst þetta æðislegur dagur, allir i svo flottum buningum og glaðir.

[Jenný Anna Baldursdóttir, 6.2.2008 kl. 23:36]

Yndisleg upprifjun smástelpan þín, bara barn 1987,æi þú ert yngri en elsta dóttir mín, svo þér er eins gott að hlýða!!

Yndislegar myndir.

Knús fyrir nóttina

[Jóna Á. Gísladóttir, 7.2.2008 kl. 01:13]

Frábærar myndir. Nammidæmið var sko ekki komið í mínu ungdæmi. Þá saumaði maður öskupoka

[Birna Dis Vilbertsdóttir (IP-tala skráð) 7.2.2008 kl. 19:26]

Flottar furðuverur

[Hildur Inga Rúnarsdóttir (IP-tala skráð) 7.2.2008 kl. 21:56]

Ooooooooooo ég man hvað þetta var gaman. Ég var alvarlega að spá í það að fara í bankann hér á Fráskrúðsfirði í kraftgalla með skóflu (sem starfsmaður bæjarins í snjómokstri) og syngja af því stelpurnar í bankanum hefðu haft húmör fyrir því. Ég hætti við en fór þó í bankann og þar kom grunnskólinn eins og hann lagði sig til að syngja -mikið svakalega var það gaman.

[Edda Agnarsdóttir, 7.2.2008 kl. 23:18]

Flottar myndir hjá þér. Ég á engar minningar um svonalagað þ.e.a.s. nammi og söng, en pokarnir og spjöldin sem skrifað var eitthvað á, það var sko í mínu ungdæmi.

[Ester Sveinbjarnardóttir, 9.2.2008 kl. 00:33]

Minn var heppinn fór með vini sínum og ömmu hans á nammi rúntinn. Skemmtileg frásögn hjá þér eins og alltaf reyndar, takk fyrir mig.

[Laufey Ólafsdóttir, 13.2.2008 kl. 20:32]

Mér reiknast til að þú sért álíka gömul og ég unglingurinn þinn! Ég man samt aldrei eftir að hafa sungið fyrir nammi. Við fórum alltaf bara og löfðum í miðbænum yfir hinu og þessu.

...æðislegar myndir!  

[Sunna Dóra Möller, 13.2.2008 kl. 21:01]

Ég gerði þetta bara einu sinni og þá með þessum líka fína árangri, það er ekki hægt að toppa þetta þannig að ég sat heima árin á eftir, enda komin þá í unglingadeild og ekki smart að fara í búning og syngja fyrir nammi hahahahahha.....

Takk allar fyrir skemmtileg koment