Manísk á sumardaginn fyrsta!!

Ég er tiltölulega róleg manneskja að eðlisfari, finnst gott að vera heima, hanga í tölvunni eða horfa á mynd eða bara eitthvað sem að krefst ekki gríðarlegra tjáskipta !

 

Á móti hef ég einnig gríðarlega þörf fyrir dagskrá og eitthvert prógramm svona til að láta tímann líða, þannig að í mér eru svona tiltölulega saklausar andstæður sem togast oft á!

 

Dagurinn í dag er búinn að vera svona dæmigerður dagskrárdagur!! Ég hef hvorki meira né minna en, sótt þrjár hverfishátíðir heim ! Þetta byrjaði allt í morgun þar sem að ég vann með Neskirkju á bjartsýnisbusli í Vesturbæjarlaug. Þar fór ég með eins og eitt bænavers og tók þátt í dagskránni þar til klukkan 12. Eftir þetta lá leiðin upp í Seljahverfi þar sem ég marseraði með skátunum, lúðrasveit og öllu tilheyrandi niður í Seljakirkju, þar sem tók við bænastund og tónlistarflutningur! Eftir þetta lá leiðin í mitt heimahverfi og þar kíktum við á hátíð sem að var fyrir framan Árbæjarskóla!

 

Þannig ég hef í dag náð þremur hátíðum í ólíkum hverfum og tel það nokkuð vel af sér vikið.....ef ekki frekar manískt !

 

Nú er tekin við hvíldarstund á kærleiksheimilinu, þar sem ég er pínu úfin og tætt , Síðan er afmæli í kvöld ! 

 

Gleðilegt sumar þið sæta og klára fólk sem að les síðuna mína ! 

 

Sunna kveður að sinni! 

Athugasemdir

[Jenný Anna Baldursdóttir, 24.4.2008 kl. 16:46]

Gleðilegt sumar elsku Sunna.  Vá, svo sumarlegt nafn.  Það er eins gott að þú látir gulfa fíflið skína.

[Sunna Dóra Möller, 24.4.2008 kl. 16:49]

Já....er það ekki bara frekar flott að heita Sunna á sumrin og á sunnudögum ! Ég skal reyna að semja við þá gulu, lofa ekki neinu og það má vera að það verði rigning á stöku stað og úrkoma í grennd, með glennum hér og þar !

[Helga Dóra, 24.4.2008 kl. 16:50]

Brjálað að gera bara...... Hef ekkert gert að viti í dag...... Skemmtu þér vel í kvöld.

[Sunna Dóra Möller, 24.4.2008 kl. 17:00]

Takk Helga

[Jóhanna Magnúsar- og Völudóttir , 24.4.2008 kl. 23:28]

Gleðilegt sumar aftur! .. Gerir ekkert til að segja góða hluti tvisvar. Ég og mitt fólk flaut út úr húsdýragarðinum í dag, það var eina skipulagða dagskráin sem vi höfðum. Hitt var allt mjög óskipulagt en gaman!