Stundum er ég svo mikill smáborgari!!

Ég er ný búin að uppgötva nýju Hagkaupsverslunina í Holtagörðum. Skaust þar inn í fyrsta skipti um daginn til að kaupa sumargjafir handa stelpunum, ekkert fansí, pansí hér á bæ, í kreppunni!! Bara hefðbundnar sumargjafir, fata, skófla og stórar gangstéttakrítar !

Nú þurfti ég að fara aftur áðan og vitiði að ég elska flottar matarbúðir, ég stóð sjálfa mig að því að ganga í rólegheitum milli matarhillanna og skoða allt matarúrvalið og njóta þess bara að spá og spuklera hvað það væri mikið til af flottum og girnilegum mat! Sumir fara í fatabúðir og skima, ég hef gaman af því að fara í matarbúðir og skima og ég segi hér og skrifa, þessi matarbúð er flottust ! 

 

Ég kíkti í framhaldinu inn í Jóa Fel, bara til að skoða allt flotta brauðið og allar flottu kökurnar sem eru til (semégmáekkiborðamegrunmegrunmegrum) !

 

Þegar ég settist út í bíl, varð mér hugsað að ég væri algjör úthverfahúsmóðir og pínu smáborgari! Hver fer í Hagkaup, bara til að skoða mat.....það skalt tekið fram að ég keypti ekki eins og eina mjólk....ég bara skoðaði !

 

En ég er annars bara góð, helgarfrí framundan á kærleiksheimilinu, enginn sunnudagaskóli, engin messa...bara frí ! Það hefur ekki gerst síðan í febrúar, þannig að þetta er kærkomið og við ætlum að njóta þess í botn og vera slök út á kantinn með fullan bíl af tónlist!

 

Sunna kveður!! 

 

 

Athugasemdir

[Jenný Anna Baldursdóttir, 30.4.2008 kl. 13:43]

Ég elska líka flottar matvöruverslanir, en eitt get ég sagt þér, að það er ekki séns að ég færi inn án þess að kaupa.  Fyrr frysi í helvíti.

[DoctorE (IP-tala skráð) 30.4.2008 kl. 13:44]

Ég fer aldrei í búðir til þess að skoða, mér leiðist búðarráp óendanlega mikið

[Sunna Dóra Möller, 30.4.2008 kl. 16:34]

Ég fer líka sjaldan inn í búð án þess að kaupa og hefði eflaust gert ef að það væri ekki 30. apríl og ég að bíða efitr mán.mótum ! Guð blessi mánaðarmótin !

DrE....ekki einu sinni veiðibúðir, fótboltabúðir eða smíðabúðir ! 

[Ásthildur Cesil Þórðardóttir, 30.4.2008 kl. 17:44]

Þetta hefur verið mjög ódýr og sparandi skemmtun Sunna Dóra mín.  Ég hugsa að ég myndi frekar vilja skoða matvæli í búð en fatnað.  Leiðist ógurlega að kaupa föt. 

Njóttu þín í botn elskuleg yfir þessa frídaga

[halkatla, 30.4.2008 kl. 17:48]

mér finnst þetta bara kúl - þarsem ég bý núna eru hræðilegar búðir með engu úrvali og fáu sem mig vantar (ég er ótrúlegur gikkur sko), mér líður einsog ég hafi verið að keppa í survivor þegar ég kem í Hagkaup

[Sunna Dóra Möller, 30.4.2008 kl. 18:11]

Takk Ásthildur !

Anna: Þú þarft að koma reglulega í Reykjavík city og birgja þig upp ...tek að mér leiðsögn um Hagkaup í Holtagörðum !

[Helga Dóra, 30.4.2008 kl. 20:00]

Þetta er svaka flott búð... Gleðilegt helgarfrí kærleiksfjölskylda og takk fyrir bloggið á blogginu Ég var alveg að ná þessum boðskap...

[Jóhanna Magnúsar- og Völudóttir , 1.5.2008 kl. 17:21]

Fór inn í þessa Hagkaupsverslun um daginn, en skoðaði bara dót og barnaföt! .. Keypti líka dót og barnaföt, by the way, fyrir ömmubarnið. Fattaði ekki fyrr en ég var komin útí bíl að það hefði verið matur þarna líka! ...

[Birna Dis Vilbertsdóttir (IP-tala skráð) 1.5.2008 kl. 21:03]

Það er gott að vera í fríi eftir vinnutörn.Ég verð væntanlega í helgarfríum meira og minna í sumar og svo byrjar allt á fullu þegar vetrarstarf kirkjunnar fer í gang.Já og mér finnst frábært að rölta um matvörubúðir þangað til ég sé verðið á öllu

[Edda Agnarsdóttir, 4.5.2008 kl. 08:58]

Sammála þér - þetta er flott búð! Bara vonandi að það haldist, mér finnst búðir vera allt of fljótar að drabbast niður, því miður!

Knús á þig og þína, frábært að þú ert byrjuð aftur í bloggheimum!