Mótvægisaðgerðir!

Eins og ég sagði fjálglega frá á færslu í gær að þá keypti ég mér fatnað í Hagkaup í gær og tók þannig á áralöngum fordómum mín gagnvart fatnaði úr þeirri ágætu búð sem Íslendingum finnst skemmtilegast að versla í. Í dag þurfti ég að merkjajafna. Við æddum af stað til kaupa íþróttafatnað handa dömum heimilisins sem þurfa nú að fara í íþróttir í skólanum. Pabbanum á heimilinu fannst tilvalið að gefa dætrum sínum (6 og 8 ára) Liverpool búning. Matta sagði strax nei og sagðist vilja stelpuföt, Sigrún varð hálf asnaleg en þorði samt ekki að valda pabba sínum vonbrigðum og sagðist jú alveg vera til í Liverpool búning. Ég benti eiginmanni mínum á að þetta væri alveg upplagt tilefni til að leggja þær í einelti.......þannig að það var bakkað með þetta . Hann þarf bara að eignast son...veit þó ekki alveg hvort að ég bjóði mig fram til verksins !

 

En í Intersport fórum við og keyptum Nike stuttbuxur, bleikar og Puma stuttermaboli, bleika. Þannig að í dag hef ég merkjajafnað og er bara í nokkuð góðu jafnvægi, þó ég segi sjálf frá . Þess má geta að það var stoppað við Liverpool búningana og þeir skoðaðir og dásamaðir. ..... !

Nú er ég á leið í brúðkaup.....það fjórða í sumar, það er tilefni til að fara í spariföt, setja á sig meik og gloss og jafnvel ef vel liggur á mér þá blæs ég á mér hárið! 

 

Leiter....

 

péess....ég er búin að blogga fjórum sinnum á tveimur dögum.....kannski er stíflan hreinlegast brostin og út flæðir viskubrunnur sem aldrei fyrr ! 

Athugasemdir

[Edda Agnarsdóttir, 30.8.2008 kl. 14:26]

Það á að blanda saman ódýru og dýru þá er þetta komið! Annars er hagkaup komin með sérstakt horn af íslenskri hönnun! Góða helgi Sunna mín.

[Sunna Dóra Möller, 30.8.2008 kl. 14:28]

Takk Edda, sömuleiðis !

[Jenný Anna Baldursdóttir, 30.8.2008 kl. 15:18]

Frábært að þú ert komin í bloggstuð og til hamingju með nýja átfittið úr Hagkaup.

[Sunna Dóra Möller, 30.8.2008 kl. 15:23]

.....takk... ég held að ég sé bara pínu pæja...

[Birna Dis Vilbertsdóttir (IP-tala skráð) 30.8.2008 kl. 19:18]

[Baldvin Jónsson, 30.8.2008 kl. 21:06]

Málið er bara "Áfram Liverpool!!!"

Ganga m.a.s. með Guði, eða a.m.k. þannig get ég kosið að skilja lagið okkar "You'll never walk alone"

[Helga Dóra, 30.8.2008 kl. 23:06]

Þykir svo vænt um þig.....

Var ekki hægt að koma syninum í gallann??? Eða er hann of mikill hnakki í þetta?

Vonandi var gaman í brúðkaupinu... Hefur pottþétt verið aðal gellan á svæðinu

[Ásdís Sigurðardóttir, 31.8.2008 kl. 20:27]

Gaman að sjá þig hér inni á ný mín kæra.  Gott að merkjajafna svona smá. Annars er ég lítil merkjakona nema í úrum helst.  Hafðu það sem best og vertu nú dugleg að blogga, það er engin stífla sjáanleg lengur 

[Sunna Dóra Möller, 1.9.2008 kl. 11:45]

...

Helga: Jakob fer ekki í Liverpool....hann er Man.utd aðdáandi, Bolla til mikillar mæðu !

Ásdís: Takk