Framtíð, nútíð og fortíð....

Þessa dagana á núið ekki upp á pallborðið hjá mér, framtíðin á stóran sess auk þess sem fortíðin treður sér að við og við. Það kostar ótrúlega mikla orku að reyna að rýna sífellt inn í framtíðina og sjá fyrir sér allar mögulegar og ómögulegar aðstæður. Þolinmæði er ekki mín stærsta dyggð og verður seint enda er ég ein af þeim sem get ekki lesið heila bók án þess að skoða endann fyrst. Það hreinlega fer með mig að vita ekki hvernig hlutirnir enda og ég bara þoli ekki langa bið. En núna bíð ég og bið góðan Guð að kenna mér að telja daga mína svo að ég megi öðlast viturt hjarta. Ekki spillir fyrir slatti af auðmýkt, dass af æðruleysi og ögn að hugarró!

Ég hef það þó á tilfinningunni að örlög mín ráðist fyrr en síðar og hver þau örlög verða munu móta næstu ár svo um munar. 

Guð gefi ykkur öllum góð og farsæl, slysalaus áramót og munið að brosa á nýársdag, ég fer alltaf í 24 stunda nýársdagsþunglyndi en reyni þó alltaf að brosa gegnum tárin.

Sunna

 

Athugasemdir

[Ólöf Ingibjörg Davíðsdóttir, 29.12.2008 kl. 23:49]

Þú talar eins og þú bíðir eftir sjúkdómsgreiningu!

[Sunna Dóra Möller, 30.12.2008 kl. 10:43]

Já.....það gæti kannski skilist þannig, en svo er nú ekki sem betur fer

[Huld S. Ringsted, 30.12.2008 kl. 21:36]

Hafðu það gott um áramótin Sunna mín

[Sunna Dóra Möller, 30.12.2008 kl. 22:09]

Takk Huld, sömuleiðis