Leiðsögn í siðferðislegum efnum!!

Mér varð hugsað til þess þegar ég leit svona yfir bloggheima í dag og rakst á enn eina færsluna um hjónabönd samkynhneigðra (endalaust hægt að karpa um það) og þar var talið um eina sanna kristna trú og það að vera sannur kristin og blablabla.....já..en sko þá varð mér hugsað  til þess, hvert við leitum eftir siðferðislegri leiðsögn! Sumir leita inn í nútímann og leita í reynslu þess fólks sem er á lífi og jafnvel þjáist vegna þess að það fær ekki aðgang það þeim veruleika sem að við álítum "normið" í dag! Og þess vegna hefur þetta fólk mikilvægri reynslu og skilaboðum að miðla! Sumir leita í fræðirit og hugmyndir nútíma siðfræðinga, sálfræðinga, trúarleiðtoga osfrv. Allt hefur þetta fólk misjafna hluti fram að færa! Einhverjar verja hefðina með kjafti og klóm, aðrir eru tilbúnir til að horfa út fyrir rammann og sjá fegurðina í fjölbreytileikanum. Mest er þó varið í það að leita inn á við og finna hvernig hjartað slær í takt við allt það fólk sem er samferða okkur í lífinu í dag og upplifa það hvað við erum öll tengd í gegnum sammannlega reynslu, tilfinningar og upplifanir!

 

Mörgum finnst gaman að vísa í hefðina þegar leitað er að siðferðislegum gildum og til eru þeir sem halda hinum stóru spekingum kristinnar kirkju á lofti og segja að það sem þessi "karl"menn settu niður á blað, hreina kenning. Þar koma menn eins og t.d. Ágústínus fyrir og einnig Tómas frá Akvínó og fleiri góðir gæjar!

 

Vegna þess hversu góða leiðsögn þessir menn gáfu í siðferðislegum málum fannst mér tilvalið að vitna hér í grein eftir Ritu Nakashima Brook þar sem hún fjallar um hjónabandsvandræðin og er tilvitnunin einmitt í einn af hinum óskeikulu kristnu siðapostulum sem við eigum að taka mark á þegar kemur að málefnum hjónabandsins:

 

Prostitutes were a necessary evil, according to Thomas Aqiunas, as they were permitted by God to prevent chaotic eruptions of sinful male lust. "Sewers", he notes are necessary to quarantee the wholeness of palaces". In other words, prostitutes protected "good" wives from their husbandsd immoral, lustful demands. Prostitutes supposedly exhibited the sexual licentiousness inherent in all women, wich good women repressed. The most "holy" women, like the most "holy" men, were supposed to follow a celibate vocation. Aquinas´s view was typical, that being married and sexually active was less spiritual than celibacy. In this same period, virulent homophobia also developed".

 

Stundum verð ég svo þakklát að búa í samfélagi þar sem ég hef val um það hvaða siðferðislega afstöðu ég tek og tel mig ekki bundna af skrifum manna sem túlkuðu alveg frjálst eftir sínu höfðu siðferðisleg lögmál fyrir löngu, löngu síðan! Myrkar miðaldir eru liðnar sem betur fer!!

 

Þangað til næst! 

 

 

Afmælisdagur númer 33!

Þó að ég sé nú ekki mikið fyrir athygli (hógvær með endemum ) þá get ég ekki látið hjá líða að tilkynna bloggheimum að ég á afmæli í dag! Ó já, ég er 33 ára gömul hvorki meira né minna og held að ég sé bara nokkuð sátt við það !!!

 

Dagurinn mun fara í að dást að tölvunni minni sem er ný komin til baka úr viðgerð og jafnvel vinna á hana þau verkefni sem sitja á hakanum! 

 

Jams....það er spennandi dagur framundan eins og allir dagar eru í mínu lífi eru svona almennt og yfirleitt ! 

 

Annars er þó eitt sem að plagar mína þreyttu sál á þessum annars Drottins dýrðardegi......það er ekki til neitt kaffi ! Ég er bókstaflega að drepast úr kaffilöngun og sé kaffibolla alveg fyrir mér í hyllingum! Ætli ég verði ekki að drattast í búðina og kippa þessu stóra vandamáli í lag!!

 

Eigði góðan dag !

Tölvumál komin í lag!!

Það er bróður mínum að þakka að nú sit ég og blogga á mína tölvu og ég get sett kommur á rétta staði! Það er sannarlega gott að þessi mál eru komin í lag og ég get nú einhent mér í verkefni sem hafa setið á hakanum á meðan tölvan var að reyna að gera það upp við sig hvort hún ætti að hrynja eða ekki ! Hún ákvað að sleppa því að hrynja og nú er hún ný straujuð og fín með yfirnóg af vinnsluminni þannig að nú get ég troðfyllt hana af drasli alveg upp á nýtt !

Annars er ég bara nokkuð góð þessa dagana, ég er byrjuð að lesa aftur eftir smá hlé og á borðinu hefur verið þessa síðustu daga mastersritgerð Sr. Bjarna Karlssonar sem heitir "Gæði náinna tengsla. Leit að viðunnandi lágmarksgildum fyrir kristna kynslífssiðfræði" og er alveg hreint stórkostleg lesning! Lestur þessarar ritgerðar fékk mig til að fara að lesa meira í kristinni kynlífssiðfræði og hef ég verið að glugga í greinar um misnotkun kirkjunnar manna á valdi almennt og síðan hef ég verið að skoða grein um hjónabandið þar sem að talað er um það sem valdatæki! Mikið finnst mér gaman að svona lestri og mikið líður mér vel þegar ég er að grúska í svona hlutum, ég finn að ég þarf á þessu að halda að lesa og vera að velta vöngum yfir þessum hlutum! Ég hef svo óendanlega gaman af þessum fræðum innan Guðfræðinnar, sérstaklega sem að lýtur að kynjafræði, siðfræði og svo uppáhaldið mitt Nýja testamentisfræðin en ég er að byrja að grúska í viskuhugmyndum ítengslum við kvenkynsveruna Sófíu og Jesú eins og hún birtist í Jóhannesarguðspjalli! Þannig að þið sjáið að það er stöðugt rokk og ról hjá mér og ég er að komast aftur af stað eftir ansi langt stopp! Hver veit nema ég bloggi svolítið um vald í tengslum við embættismenn kirkjunnar almennt og jafnvel í tengslum við hjónabandið líka ef að vel liggur á mér á næstunni. Hugmyndin og hugtakið "vald" er mér ansi hugleikið þessa dagana eftir lestur ofangreindra rita og má vera að ég setji fram hér smá pistil við gott tækifæri ! Það er gott að ögra sjálfum sér stundum og takast á við hluti sem að fá mann til að hugsa út fyrir rammann !

Ég bið að heilsa í bili mín kæru, sí jú sún!

sunna!

Fyrsta útskriftin :-)!

Núna stalst ég í tölvu eiginmannsins þar sem hann er á Dylan tónleikum og ég er heima með ómegðina !

Mín tölva er komin í yfirhalningu hjá mínum klára bróður og vonandi verður hún klár og reddí bráðum! en tilefnið er ekki tölvuvandi minn heldur sá að mín yngsta litla krúsibolla var að útskrifast í fyrsta sinn á miðvikudaginn var. Hún lauk formlega sínu fyrsta skólastigi og nú er stefnt á grunnskólanám í Selásskóla næsta haust! Hún tók þetta mjög alvarlega og stóð sig með prýði!

Möttulíusinn minn, til hamingju með þetta ! Þú ert yndislegasti fimm ára Möttulíus sem er til  (smá tilheyrandi mömmuhlutdrægni )!

Góða nótt og sæta drauma !

Tölva enn biluð!

Tölvan min er enn biluð (sest a þvi að enn eru ekki kommur yfir stafi a tilheyrandi stöðum)!

 

Hun er að fara i orlof til broður mins sem ætlar að reyna að laga hana og eg vona að það takist þvi að eg er half aðgerðalaus með hana svona, get ekkert skrifað eða profarkalesið eða neitt! Eg hef einhvern veginn ekki viljað blogga eða kommenta neitt a meðan astandið er svona en eg les reglulega alla mina bloggvini og set her inn eitt stort KVITT a linuna i bili! Vonandi horfir þetta tölvuastand til betri vegar nuna og tölvan lati það vera að hrynja, það væri heldur leiðinlegt enda kreppa i gangi og ekki i boði að versla ser nyja, enda þessi frekar ny og a ekkert að vera að lata svona!

 

Þangað til að þessu astandi lykur........segi eg bara hafið það gott og vi ses þegar allt er komið i lag!!

 

Ferming framundan!

Fyrir tæpum fjortan arum var fermingarbarnið svona kruttlegur og litill !

 

 

 

 

Nuna er hann orðinn svona stor og finn og er að fermast  manudaginnn! 

Eg er með fermingarstress i maganum en byst við að þetta gangi allt vel og fari fram með miklum soma! 

 

 

Mun blogga meira og kvitta meira að fermingu lokinni! Þangað til eigiði goða Hvitasunnu! 

 

(afsakið að kommur vantar yfir stafi a viðeigandi stöðum, það er af þvi að tölvan min er enn ekki alveg i standi og þarf vist eitthvað að laga þetta frekar! Þið bara lesið kommur þar sem við a! Sma gestaþraut fra mer til ykkar! Tjuss )

Er ekki í bloggfríi....

Heldur er ég að kljást við bilaða tölvu sem að ákvað á fimmtudaginn var að hætta að tengjast internetinu alveg upp á eigin spýtur !!

Ég er sem sagt í lánstölvu núna til að láta ykkur vita, sem eru orðin viti ykkar fjær af áhyggjum af mér   að ég er heil á húfi og full gremju út af tölvunni minni sem er ekki að virka og sýnir enga viðleitni í þá átt að gera það .

Á meðan hími ég netlaus úti í kulda og trekki og kemst ekki inn í hlýjuna hér á blogginu !

Þangað til að tölvan lagast....

Bless í bilinu!

:-)!

Ég er bara ansi kát skal ég segja ykkur....en þið !

Stundum er ég svo mikill smáborgari!!

Ég er ný búin að uppgötva nýju Hagkaupsverslunina í Holtagörðum. Skaust þar inn í fyrsta skipti um daginn til að kaupa sumargjafir handa stelpunum, ekkert fansí, pansí hér á bæ, í kreppunni!! Bara hefðbundnar sumargjafir, fata, skófla og stórar gangstéttakrítar !

Nú þurfti ég að fara aftur áðan og vitiði að ég elska flottar matarbúðir, ég stóð sjálfa mig að því að ganga í rólegheitum milli matarhillanna og skoða allt matarúrvalið og njóta þess bara að spá og spuklera hvað það væri mikið til af flottum og girnilegum mat! Sumir fara í fatabúðir og skima, ég hef gaman af því að fara í matarbúðir og skima og ég segi hér og skrifa, þessi matarbúð er flottust ! 

 

Ég kíkti í framhaldinu inn í Jóa Fel, bara til að skoða allt flotta brauðið og allar flottu kökurnar sem eru til (semégmáekkiborðamegrunmegrunmegrum) !

 

Þegar ég settist út í bíl, varð mér hugsað að ég væri algjör úthverfahúsmóðir og pínu smáborgari! Hver fer í Hagkaup, bara til að skoða mat.....það skalt tekið fram að ég keypti ekki eins og eina mjólk....ég bara skoðaði !

 

En ég er annars bara góð, helgarfrí framundan á kærleiksheimilinu, enginn sunnudagaskóli, engin messa...bara frí ! Það hefur ekki gerst síðan í febrúar, þannig að þetta er kærkomið og við ætlum að njóta þess í botn og vera slök út á kantinn með fullan bíl af tónlist!

 

Sunna kveður!! 

 

 

Tími!

Mér finnst stundum svo merkilegt hvað tíminn getur verið afstæður. Ég hef yfirleitt frekar mikið að gera og síðustu vikur hafa verið þannig að ég hef haft of mikið að gera, átt erfitt með að forgangsraða og lent í örlitlu stjórnleysi með tímann minn. Það versta sem að ég lendi í er að hafa lítinn tíma og vera á hlaupum. Þá fer blóðþrýstingurinn upp úr öllu og ég verð andstutt með hjartsláttatruflanir ! Fyrir svona 10 dögum síðar myndaðist smá rými og ég fékk smá aukatíma. Ég fór að lesa yfir ritgerð og sendi efni meira að segja frá mér, klöppum fyrir því.....aftur og ég gat farið að blogga á ný. Mér finnst gott að hafa smá rými í lífinu til að gera það sem ég þarf og mér finnst erfitt þegar verkefni sem eru brýn eru farin að sitja á hakanum af því að ég hef tekið að mér of mörg verkefni. Núna finn ég að tíminn er að minnka aftur og ég þarf að fara að setja ákveðið verkefni á hilluna sem að ég var ný farin að líta í á ný vegna þess að ég fékk aukatíma. Ferming einkasonarins er framundan og ég er ekki einu sinni búin að ákveða aðalréttinn GMG....ég á eftir að baka, kaupa serviettur, kerti, dúka, fara í litun og plokkun, klippingu og ég veit ekki hvað og hvað! Kona verður jú að vera glæsileg þegar barnið hennar er fermt. Það er sjálfsagt mannréttindamál . Nú er mamma mín á leiðinni og við ætlum að fara yfir það sem þarf að gera, semja strategíu og leggja úr höfn! Næst þegar tíminn verður nógur, þá sný ég mér að verkefninu sem er alltaf síðast í forgangsröðuninni !

 

Tjussss......hevanæsdei !