Stórfrétt!

Þetta finnst mér stórfrétt og varða almannahag! Ég vona að þessi frétt birtist sem víðast, því að þetta kemur manni við. Þetta er eitthvað sem að öllum ber að vita og mér finnst gott að þetta sé komið fram í dagsljósið! Án þessarar vitneskju væri líf mitt sannarlega snauðara!

Nú er sumar...

Hvernig væri að færa þennan blessaða sumardag fyrsta fram um einhverjar vikur.....eins og fram í ágúst! Þetta eru alltaf svo stór vonbrigði þegar að sumarið kemur ekkert þó að halda sé búið formlega upp á sumarbyrjunina! Dóttir mín lítil spurði mig á sumardaginn fyrsta hvort að nú mætti hún fara út á tásunum þar sem sumarið væri nú loksins komið......ég reyndi að útskýra fyrir henni að þó að dagurinn héti "sumardagurinn fyrsti" þá væri samt kalt ennþá og ekki tími til að fara berfætt út . Þetta er náttúrulega bara til að valda misskilningi!!

Svona er samt alltaf sumarbyrjun á Íslandi........

 

Ófært um Dynjandisheiði og Hrafnseyrarheiði

Takk fyrir mig!

Mig langaði bara til að þakka ykkur öllum sem komu í dag og voru við lokapredikanirnar okkar Ninnu. Það er svo ótrúlega mikils virði þegar fólk gefur sér tíma til að koma úr önnum dagsins til að vera við viðburð sem þennann. Sérstaklega fannst mér gaman að sjá hve margir guðfræðinemar komu sem eru nú flest að byrja í próflestri en gáfu sér tíma til að líta upp úr bókunum og koma. Fjölskyldan kom líka og þau eru náttúrulega öll bara frábær

Öll áttuð þið falleg orð handa okkur Ninnu og ég held að svona dagur líði seint úr minni.

Takk fyrir mig!

kveðja,

Sunna

Kaupmannahöfn og lokapredikun!

Við komum heim frá Kaupmannahöfn í gær eftir alveg afskaplega góða ferð. Við heimsóttum Árna bróður og Hildi kærustuna hans og tóku þau mjög vel á móti okkur. Við versluðum smá.....borðuðum mikið og það sem mestu skiptir vorum í alveg frábærum félagsskap þeirra skötuhjúa. Við heimsóttum eins og einn kirkjugarð á Nörrebro þar sem m.a. H.C Andersen, Soren Kierkegaard og Niels Bohr hvíla. Við smökkuðum "durum" , Bolli borðaði krókódíl og ég fékk mér ís með "drys". Veðrið var alveg ótrúlega gott, sól og hátt í 20 gráður allan tímann, verst að geta ekki kippt svona veðri með sér heim!!

Núna er ég að reyna að skrifa lokapredikunina mína. Hún er á föstudaginn í háskólakapellunni klukkan 15.00. Allir velkomnir  Ég er eitthvað að rempast við að losna við ritstíflu.....held að hún sé vegna þess að þetta er prófpredikun og mér finnst hún þurfa að vera stórkostleg. Þess vegna sit ég og mæni út í loftið í augnablikinu og bíð eftir að eitthvað gerist.....

En svona er víst lífið........vona bara að hugmyndir fari að streyma inn í hugann þar sem tíminn er ekki mikill, ég á að skila á fimmtudagsmorgun...!

Kaupmannahöfn!

Við hjónin ætlum að leggja land (eða loft) undir fót og fara til Kaupmannahafnar í fyrramálið og vera fram á mánudag. Tilgangurinn er að heimsækja bróður minn og kærustuna hans sem eru við nám í DTU.

Eins og mér finnst nú gaman að fara til annarra landa, þá er ég alveg skelfilega flughrædd. Mér finnst það skelfilegt að fljúga en ég reyni þó að bera mig mannalega þar sem að það er ekki gaman að ferðast með manneskju sem að á barmi taugaáfalls .

Þangað til eftir helgi, þá segi ég bara "Ha´det" og góða helgi.

kkv. Sunna.

Ákvað að prófa...

Ég ákvað að prófa þetta bloggsvæði þar sem að mig hefur oft langað til að blogga um fréttir sem að birtast á mbl. Ég er þó með annað blogg þar sem að ég hef bloggað um ýsma hluti, hversdaglega og námstengda.

Það verður gaman að reyna þennan vettvang hér!!

með kveðju,

Sunna Dóra

 

Fyrsta bloggfærsla

Þessi færsla er búin til af kerfinu þegar notandi er stofnaður. Henni má eyða eða breyta að vild.