Manísk á sumardaginn fyrsta!!

Ég er tiltölulega róleg manneskja að eðlisfari, finnst gott að vera heima, hanga í tölvunni eða horfa á mynd eða bara eitthvað sem að krefst ekki gríðarlegra tjáskipta !

 

Á móti hef ég einnig gríðarlega þörf fyrir dagskrá og eitthvert prógramm svona til að láta tímann líða, þannig að í mér eru svona tiltölulega saklausar andstæður sem togast oft á!

 

Dagurinn í dag er búinn að vera svona dæmigerður dagskrárdagur!! Ég hef hvorki meira né minna en, sótt þrjár hverfishátíðir heim ! Þetta byrjaði allt í morgun þar sem að ég vann með Neskirkju á bjartsýnisbusli í Vesturbæjarlaug. Þar fór ég með eins og eitt bænavers og tók þátt í dagskránni þar til klukkan 12. Eftir þetta lá leiðin upp í Seljahverfi þar sem ég marseraði með skátunum, lúðrasveit og öllu tilheyrandi niður í Seljakirkju, þar sem tók við bænastund og tónlistarflutningur! Eftir þetta lá leiðin í mitt heimahverfi og þar kíktum við á hátíð sem að var fyrir framan Árbæjarskóla!

 

Þannig ég hef í dag náð þremur hátíðum í ólíkum hverfum og tel það nokkuð vel af sér vikið.....ef ekki frekar manískt !

 

Nú er tekin við hvíldarstund á kærleiksheimilinu, þar sem ég er pínu úfin og tætt , Síðan er afmæli í kvöld ! 

 

Gleðilegt sumar þið sæta og klára fólk sem að les síðuna mína ! 

 

Sunna kveður að sinni! 

Ég er til!

Ég er búin að taka fram stuttermabolina, stuttbuxurnar, sólarvörnina, sólgleraugun, diskana mína með Skítamóral, vegahandbókina, brúnkukremin, sandalana, bikiníin, grillið, garðstólana, strandmotturnar, piparúðann...úbbs sorrí smá mistök það er bara löggan sem notar hann , flugubanann, flugueitrið, og mýfluguvarann (til að setja á hausinn). Ég er til fröken sumar...nú máttu koma með pompi og pragt! Á miðnætti hefst gleðin, sumarið kemur með sól í sinni og ég er reddí , alla vega fram að vorhretinu og sumarsnjónum og júlírigningunni og ofsaveðrinu um verslunarmannahelgina og snemmbúnu hausti !

Ó já!!! Ég er til!!! Gleðilegt sumar !

 

Sjitt

Ég sá mér til skelfingar að kristileg stjórnmálasamtök eru vöknuð til lífsins á ný eftir langan svefn og búa sig nú til baráttu! Um mig fer smá hrollur og spurning um að flýja af hólmi áður en að þeir fara að láta að sér kveða með orðsins brandi hér á blogginu.

 

Ég vil að þessu tilefni minna á mótvægisaðgerðirnar mínar gegn svona umræðu  af því tagi sem að birtist á umræddri síðu og vísa í færslu mína hér fyrr í morgun um notkun viðtengingarháttar !

 

Góðar stundir! 

hmmmm.....

Það er að ákveðnu leyti merkilegt að snúa aftur í bloggheima eftir langt frí. Það er gott að snúa aftur og lesa gömlu góðu bloggvinina, sjá að það hefur lítið breyst þar, enn er bloggað um menn og málefni...settar inn krúttlegar myndir og margt fleira skemmtilegt. Það er einnig gaman að fá skemmtileg og hlý koment og eiga þannig heilbrigð samskipti rétt og eins og maður myndi eiga við fólk ef að ég myndi hitta það á förnum vegi. Mér finnst gott að eiga heilbrigð og góð samskipti við fólk, þá gildir einu hvort að það er í gegnum tölvu, síma eða feis tú feis. Ef að ég á slæm samskipti við fólk, þá líður mér ekki vel og fer öll úr jafnvægi vegna þess að slæm samskipti koma róti á hugann og draga einbeitinguna að þessu sem er slæmt og vont, frá því sem er uppbyggjandi og gott!

 

Ég hef aðeins verið að skoða blogg í morgun og sérstaklega þau sem að snúa að nafnleysinu og virðingu milli fólks í skoðanaskiptum á netinu og ég verð að viðurkenna að ég verð oft hálf hvumsa yfir sumum skoðunum og réttlætingum á því að segja ljóta hluti við fólk og um fólk. 

 

Mér finnst ekki eðlilegt að eiga í samskiptum við fólk á netinu á þann hátt að þú getir látið allt flakka. Það er ekki hægt að flagga málfrelsinu á þann hátt að allt er leyfilegt. Mér finnst einhvern veginn að þegar maður skrifar eitthvað þá eigi maður að sjá það fyrir sér að maður gæti sagt það sem skrifað er við manneskjuna persónulega og staðið þannig með þeirri skoðun sem skrifuð er. 

 

Eflaust eru margir ósammála mér, ég er ekki að mæla með ritskoðun heldur að maður gæti þeirra lífsreglna sem að gilda almennt í samskiptum manna á milli þó að setið sé fyrir framan tölvu þar sem enginn sér mann. Ásókn í slæmar tilfinningar eru bara ekki hluti af því sem að ég kýs að taka þátt í, þess vegna nenni ég ekki lengur að blogga um trúmál t.d. þó að þau eigi hug minn allann á hverjum degi. Það er eflaust fólk þarna úti sem finnst ég framkvæma ofbeldisverk á hverjum degi í barnastarfi kirkjunnar þegar ég fræði börn um trú og segi þeim að Guð sé til...alla vega í mínum huga. Ég gæti tekið það inn á mig og geri það stundum þegar fólk tjáir sig um kirkjuna og presta eins og ofbeldisfólk sé að ræða! Ég hef sé slæmar hliðar á kirkjunni og einnig svo dæmalausa fegurð að ég verð orðlaus. En af hverju að bjóða sig þannig upp til umræðna ef að maður kemst hjá því. Þess vegna tjái ég mig ekki um þetta lengur og tek ekki þátt  í umræðum annars staðar um trúmál.......vegna þess að hvergi annars staðar hef ég séð umræðu verða hatrammari og persónulegri en einmitt þegar rætt er um trú, kirkju og presta.

 

Ég er kannski gunga að demba mér ekki lengur í djúpu laugina og taka þátt í þrætunum, en þegar orðræðan er eins og hún er......þá er betra að einbeita sér að einhverju uppbyggilegra! 

 

Ég ætlaði nú ekki að hafa þetta svona langt en stundum er gott að rausa aðeins og koma því frá sér sem að fer fram í hausnum !

 

Kannski skrifa ég um trúmál seinna.....þegar ég hef eitthvað krassandi fram að færa...........koma tímar en í dag er það ekki heillandi!

 

Eigiði góðan dag

Vorboðinn ljúfi....

Ja hérna hér....mig langar hreinlega að fara að blogga á ný !

Máské það sé eitthvað í loftinu en ég hef núna farið út í tvo daga í röð á peysunni og mér hefur ekki orðið kalt eða það farið að leka úr nefinu á mér .... ..klöppum fyrir því!

 

Kannski er það vegna þess að verkefnapakki síðustu vikna sem að lífið færði mér að gjöf, er svona nokkurn veginn að baki (vonandi) og sá pakki var ekki lokaritgerðin ógurlegu ! Hún er fallin í gleymskunnar dá  !

 

Kannski er það vegna þess að ég hef svo ótrúlega mikið að segja og það er allt merkilegt! Ó já...enginn vitleysa í gangi hér á bæ, allt sagt af viti og mikilli speki sem hreinlega verður að flæða út um flóðgáttir lyklaborðisins þannig að engin takmörk verði á!

 

Kannski langar mig að blogga hreinlega vegna þess að ég sakna ykkar allra....ætli það sé ekki líklegasta skýringin , dæmigerð ég að vera alltaf að flækja hlutina !

 

Ég kveð í bili  með hefðbundnu tjussi og sjáumst fljótt á ný!

 

Knús í krús!  

 

Lífsmark....

Ég fékk svo krúttlega gestabókafærslu núna um daginn að ég varð aðeins að láta vita af mér! Ég hef það nokkuð fínt......hef staðið í mörgu síðustu vikur sem að of langt mál er að fara í, kannski blogga ég um það allt í framhaldssöguformi þegar tími gefst til, innihaldið myndi fela í sér m.a. baráttu við myglusvepp og fleira !

Vildi bara segja hæ og bæ og vona að þið séuð stillt og prúð og hafið ekki of miklar áhyggjur af kreppunni og fallandi gengi krónunnar, það er jú að koma vor og vori fylgir alltaf smá dass af von og gleði yfir lífinu sjálfu, er það ekki bara !

Sjáumst,

Sunnatunna!

Raus!

Ég er svolítið þreytt þessa dagana, veit ekki hvað veldur??? Hugsanlega hef ég um of mikið að hugsa og það að hugsa of mikið og framkvæma minna af því sem að hugsað er um er álag ofan á allt annað !

Kannski er þetta dæmigert febrúar framkvæmdaleysi en ég er orðin svolítið þreytt á þessum vetri og er orðin langeyg eftir vori, vorið er minn besti tími og ég elska upprisustefin sem að blasa við manni út um allt þegar vorar og grænkar. Mig langar í svona tíma núna en ég veit að mér verður ekki alveg að ósk minni ... það er víst ekki hægt að fá allt sem maður vill, á sumum bæjum væru of miklar kröfur, kallaðar hreinræktuð íslensk frekja .

Annars held ég að þreytan mín stafi af því að ég er alltaf að hugsa um og reyna að stjórna hlutum sem að ég hef enga stjórn á. Fyrir nokkrum árum síðan fékk ég áhyggjukast yfir því að loftsteinn myndi lenda á jörðinni og ég man ég svaf ekki af áhyggjum....! Ég hef fengið sams konar áhyggjur af fuglaflensunni sem að hefur verið viðloðandi fréttir frá því 2004 og ég man að ég var líka farin að skipuleggja flóttaáætlun og matarsöfnun og fannst það hróplegt óréttlæti að þetta myndi skella á heimsbyggðina á mínu æviskeiði . Ennþá hef ég ekki hafið matarsöfnun en verð samt áhyggjufull öðru hvoru, án þess að geta nokkuð gert eða stjórnað þessu .

Núna hef ég áhyggjur af fjármálamarkaði og íslensku bönkunum.......vegna stöðugra frétta af versnandi ástandi og jafnvel gjaldþroti segja einhverjir erlendir spekingar ..... en ég sem hef aldrei haft áhuga á markaði, er farin að fylgjast með kauphöllinni og lesa viðskipta fréttir alveg markvisst og af miklum áhuga. Þetta er alveg nýtt í mínu lífi og gæti einmitt talist til þessara áhyggja sem að ég bý mér til en hef enga möguleika á að breyta eða bæta því ástandi sem að haft er áhyggjur af .

Gæti verið að ég búi mér til áhyggjur af einhverju sem er svo fjarlægt að ég get engan veginn haft áhrif á þær og um leið tekst mér að bægja huganum frá því sem að raunverulega er innan seilingar og ég get breytt. Eins og til dæmis að klára ritgerðina mína, fara til tannlæknis, fara með Möttuna mína minnstu í kirtlatöku sem að mér hefur tekist fram að þessu að bægja frá mér en á nú að skella á með fullum þunga og mér finnst það óþægilegt. Af því að mér finnst þetta allt óþægilegt þá hef ég frekar feitar áhyggjur að loftsteinum, fuglaflensu og fjármálamarkaði af því að það er utan seilingar og enginn raunhæfur möguleiki á því að ég muni leika stórt hlutverk þegar kemur að þessu þáttum.

Það er alltaf sagt að það eigi að byrja í túninu heima og ég sat í bænastund í Digraneskirkju í gær með unglingum og þá allt í einu uppgötvaði ég hvað er að stoppa mig í að geta hugsað fram á við og það var merkileg lífsreynsla að fá það allt í einu upp í hugann hvað amar að en um leið óþægilegt líka .

Nú þarf ég að spýta í lófana, ég hef sagt það oft áður en núna verð ég. Það eru alla vega ákveðnir hlutir sem að ég get haft áhrif á og þeir eru allir innan seilingar. Málið er bara að byrja og hætta að hugsa fram í tímann statt og stöðugt og einbeita sér að deginum í dag.

Ég þurfti aðeins að rausa í dag, sumir dagar og vikur eru þannig að ég er alveg eins og haugur og þessi er einmitt þannig. Ég er viss um að brátt kemur betri tíð með blóm í haga, málið er bara að hugsa ekki lengra en nefið á sér nær. Ég bíst við að það sé vænlegra til árangurs en að vera alltaf að hugsa langt út í geim og alla leið til baka.......það er ansi þreytandi til lengdar að fara alltaf í það langa ferðalag!

Góða nótt og ekki hugsa of mikið !

Hux

Við Matta erum heima í dag, fengum tölvupóst í gær að það væri streptókokkafaraldur á leikskólanum og hann væri einkennalaus. Þannig að það var brunað á læknavaktina og tekið strok og kom í ljós að hún er með streptókokka og Guð einn veit hvað hún hefur haft þetta lengi vegna þess að hún hefur ekki fundið til í hálsinum og verið hin hressasta. Nú er hún hins vegar komin á lyf en má ekki fara á leikskólann fyrr en á morgun, þá er hún víst hætt að smita.

Þannig að við mæðgur erum bara í rólegheitum og höfum það barasta ágætt! Ég hef verið að lesa smá, halda mér í ritgerðarformi  og læt hér fylgja með ljóð sem ég fann í bók sem heitir "But She Said. Feminist Practices Of Biblical Interpretation" eftir Elisabeth Schussler Fiorenzu, hún er pínu uppáhald þessa dagana !

Contact Lenses.

Lacking what they want to see

makes my eyes hungry

and eyes can feel

only pain

Once I lived behind thick walls

of glass

and my eyes belonged to a different ethic

timidly rubbing the edges

of whatever turned them on.

Seeing usually

was a matter of what was

in front of my eyes

matching what was

behind my brain.

Now my eyes have become

a part of me exposed

quick risky and open

to all the same dangers.

I see much

better now

and my eyes hurt.

Audre Lorde, the black unicorn: Poems.

Eigði góðan dag

Martröð!

 

Ég vaknaði í morgun og uppgötvaði mér til skelfingar að það er ekki til neitt kaffi og búðin opnar ekki fyrr en eftir 36 mínútur !

Veit ekki hvort ég hef þetta af, það  mun koma í ljós annars verð ég svona í dag:

Þetta er það versta í heimi að vakna og eiga ekki kaffi , en ég brosi í gegnun tárin og verð mætt fyrir utan Nóatún fyrst af öllum !

Eigið góðan mánudag og vonandi verður hann ekki til mæðu, hann verður það samt hjá mér ef ég fæ ekki KAFFI bráðum !

Innskot: Klukkan 09.41 búin með tvo bolla og lífið brosir við !

Lost!

Ég hef verið alveg týnd síðustu daga,

ég hef það þó á tilfinningunni að ég sé að rata aftur heim !

Ég spái því betri bloggframmistöðu með hækkandi sól og þá er best að setja upp sólgleraugun !

Þangað til næst og ekki fyrr en síðar!