Sest niður og ætla að blogga en ekkert gerist....

Ég gat ekki annað en brugðist við gestabókarfærslu sem kom inn í dag og mér þótti vænt um að einhver skyldi sakna þess að ég bloggi ekki þessa dagana. Málið er að ég er að vinna alveg nine to five og þegar ég kem heim þá andast ég úr þreytu.....það er ekkert grín en ég er að vinna á leikjanámskeiðum, seinni lotan í sumar og á kvöldin er ekki snefill eftir af orku til að gera eitt né neitt. Eina sem ég megna er að fleygja mér fyrir framan Supernatural og deyja bókstaflega andlega . 

 

Þessi törn er viku í viðbót en í næstu viku verða fermingarnámskeið í Neskirkju sem ég vinn á og svo kannski kemur smá breik, alla vega í bilinu og ég vona að ég fari að komast aðeins og bloggið. Ég kíki öðru hvoru inn og ég les bloggin ykkar en ég viðurkenni að ég hef lítið kvittað og hef smá samviskubit yfir því en lofa (næstum því ) bót og betrun þegar sól fer að lækka og fyrstu hressandi haustlægðirnar ganga yfir okkur af sinni alkunnu snilld . 

 

Ég sakna ykkar og vona að þið hafið það gott. Góða nótt og sætasta drauma .

Athugasemdir

[Huld S. Ringsted, 12.8.2008 kl. 20:43]

Við söknum þín líka

[Sunna Dóra Möller, 12.8.2008 kl. 20:46]

Takk Huld

[Ásdís Sigurðardóttir, 12.8.2008 kl. 22:02]

Hvað er þetta supernational sem þú hendir þér framan við?? skondin lýsing, skil að þú getir ekki bloggað ef mikið er að gera, en ég bíð róleg og fylgist með þér, það er alltaf gott að lesa bloggin þín.

[Jenný Anna Baldursdóttir, 12.8.2008 kl. 22:39]

Einhver saknar þín?  Heyrðu góða ég dauðsakna þín alltaf þegar þú ert ekki á blogginu vúman.

I don´t have to state the obvious.

[Sunna Dóra Möller, 12.8.2008 kl. 22:43]

Supernatural eru snilldarþættir.....bandarískt afþreygingarefni með yfirnáttúrulegu ívafi....draugar, andar, djöflar og hele klabbet.....Tímamótaverk !

Takk Jenný !

[Edda Agnarsdóttir, 12.8.2008 kl. 23:46]

Oh hvað ég er fegin að sjá þig á blogginu! það er í það minnsta betra að vinna og hafa mikið að gera en að vera í bloggleti eða depurð eins og hrjáir mann stundum.

Knús á þig duglega kona.

[Birna Dis Vilbertsdóttir (IP-tala skráð) 13.8.2008 kl. 11:10]

saknaði þín líka

[Helga Dóra, 13.8.2008 kl. 13:14]

Maður verður nú að fá að vita að þú sért á lífi og solisss...... Gott að heyra af þér...

[Sunna Dóra Möller, 13.8.2008 kl. 18:29]

Takk allar fyrir hlý orð

[halkatla, 22.8.2008 kl. 22:30]

nú er kominn tími til að hætta í bloggpásu og svona