Það er að draga til tíðinda í...

28.8.2008 | 12:46

Það er að draga til tíðinda í veðrinu....

Það fór um mig sælutilfinning þegar Siggi stormur sagði þetta rétt í þessu í veðurfréttum. Þetta hefur ekki heyrst núna um alla langt skeið og ég hreinlega farin að sakna þess að fá eins og einn góðan storm W00t

! En nú er þetta sem sagt staðreynd....það er að koma stormur og slagveðurs rigning af verstu gerð! Það er eins gott að það komi vont veður og slatti af rigingu til að þurrka gleðibrosið af landsmönnum sem hefur ekki farið af þeim í öllu þessu handboltafári. Ég bara kann ekki við svona mikið af gleði....öllu má ofgera Halo

Ég er annars í smá logni, búin að fræða 110 fermingarbörn í síðustu viku um Jóhannesarguðspjall og nú er vetrarstarfið fram undan.
Búin að koma yngstu dóttur minni í skóla, en hún að byrja núna í 6 ára bekk.
Búin að koma hinum tveimur grísunum af stað líka.
Búin að gera mest lítið alla þessa viku.
Er að reyna finna neistann til að byrja að skrifa tímamótaverkið aftur eftir langa, langa, langa hríð.
Er að reyna að hugsa ekki of mikið um hluti sem ég get ekki haft nein áhrif á.
Er að reyna að pirrast ekki of mikið yfir öllum þeim hlutum sem ákváðu að bila í þessum mánuði, þar má telja báða bíla heimilisins og nú síðast þvottavélin.
Er að reyna að hætta að borða nammi.
Er að reyna að fara að hreyfa mig.
Er að reyna að hætta að reyna svona mikið !

Ég þori ekki að lofa að nú sé endurkoman mikla í bloggheima að eiga sér stað....það er svo ansalegt að segjast vera komin aftur á fullt en svo gerist ekkert. En það er alla vega kominn meiri tími til að blogga núna aftur og hver veit nema eitthvað gerist....vegir Guðs eru órannsakanlegir sagði einhver snillingur Cool

Eigið góðan dag og gleðilegan storm Heart

Meginflokkur: Bloggar | Aukaflokkar: Dægurmál, Lífstíll, Vinir og fjölskylda | Facebook

Athugasemdir

æðislega gaman að sjá þig hér aftur, nú finn ég að þú ætlar að skrifa amk 2 pistla á viku um hríð ekki satt? Það er nóg á meðan maður er að magna upp bloggstorm innra með sér.