Eigum við að ræða þetta eitthvað....

Það er hægt að horfa á myndband af skrímslinu á vef víkurfrétta, ég hef horft á það þrisvar í dag og mér er lítið skemmt. Ég vísa þessu til skýringar á færslu frá því fyrr í dag og bæti þessu hér með formlega á fóbíulistann minn......þetta dýr er ekki fallegt og myndi líklega koma mér yfir móðuna miklu ef ég mætti því í myrkri!

 

Köngulær geta alveg ært óstöðugan og í þessu tilfelli er sú óstöðuga ég !

Risakönguló í Reykjanesbæ

Fóbíur!

Ég er afar dugleg að koma mér upp fóbíum fyrir hinu og þessu. Það er svona pínulítið árstíðabundið fyrir hverju ég hef fóbíu hverju sinni og núna eru það Geitungar !! Ég er gjörsamlega lömuð úr hræðslu við þessi kvikyndi þessa dagana að ég þori varla út úr húsi . Ég get nefnt nokkur dæmi um hegðun mína síðustu daga!

 

Dagur 1: Var á hlaupabrettinu mínu inn í stofu alsæl að horfa á Supernatural í leiðinni (hjálpar mér að gleyma hvað það er leiðinlegt að hreyfa sig ) Flýgur ekki eitt af þessum skrímslum inn um stofugluggann og fer eitthvað að sveima yfir mér, ég stekk fimlega af brettinu (alla vega í minningunni er það fimlega ) og býst til varnar og fylgist með þessu morðóða fyrirbæri fljúga inn í svefnherbergi og ég hleyp til og loka hurðinni, lukkuleg með mig að hafa lokað dýrið inni. Síðan nokkrum tímum seinna þegar unglingurinn var kominn heim átti að koma flugunni fyrir kattarnef og inn fórum við vopnuð hárspreyi og 24 stundum, upprúlluðu. Við bókstaflega snérum öllu við....ekki fannst flugann. Ég fékk alveg í magann og allan daginn leitaðu ég af flugunni. Í svefnherberginu var lítill gluggi opinn með smá rifu og ég sannarlega held að þessi fluga hafi verið svo gáfuð að hún fann þennan litla glugga og náði að skríða út um hann.....jams...þessi skrímsli eru gáfaðri en við höldum og hyggja á heimsyfirráð . Ég skal þó segja ykkur að ég sofnaði ekki vært um kvöldið....sá alls kyns óhugnað fyrir mér út af þessari fluguómynd !

 

Dagur 2: Var að sækja dóttur mína í skólann og á mig réðist ein fluga og sveimaði í kringum mig. Ég rétt náði að komast inn í bíl en hún elti mig og þegar ég var búin að loka og hélt ég væri óhult, þá var hún í glugganum og ég bókstaflega trylltist. Ég öskraði og maðurinn minn sem sat rólegur í bílnum bara hló að mér...ekki mikill stuðningu þar Ég opnaði bílinn í snatri og út flaug flugan og ég var óhullt í bili.

 

Dagur 3: Eiginmaðurinn hringdi í gær og spurði hvort ég vildi fá mér bita mér honum í hádeginu, mér fannst það bara gaman og játti því, alsæl að sjálfsögðu. Strax um leið og ég var búin að ákveða að fara, fékk ég í magann og vissi strax að það að borða í almennu, opinberu rými þýðir að það eru geitungar á flugi innandyra sem utan. Viti menn, ég hafði rétt fyrir mér, við vorum varla sest niður þegar ég sá eina risastóra flögrandi í loftinu. Í stað þess að njóta samræðna og samvista við manninn minn þá fór ég í keng, sökk niður í sætinu, borðaði af krafti, svolgraði í mig kaffið og dreif mig út . 

 

Mörgum gæti þótt þessi innsýn inn í fóbíu-ástand undirritaðrar aðeins um of.....en það er það ekki. Ég er búin að lesa mér til um þessi skrímsli og þau eru alveg dead hættuleg.....! Ég vill helst ekki vera mikið utandyra, sit inni með alla glugga lokaða og bíð eftir fyrsta næturfrostinu, verst er það að mér sýndist Einar veðurfræðingur eitthvað vera að tala um að þetta haust yrði eitthvað voða heitt núna.....mér finnst alveg nóg komið af hita og sól, og bið um nokkrar frostnætur, það er ekki verið að fara fram á mikið, bara frost og þá verða allir glaðir. Alla vega smásálin ég !

 

Eigiði góðan dag og farið varlega.....geitungarnir eru alls staðar, bíðandi eftir að ná þér !

 

 

 

 

Klukkiddíklukk!

Jóhanna klukkaði mig og eins og hún vill ég ekki vera félagsskítur og svara engu, þannig að hér á eftir fylgja mín svör.....verð þó að viðurkenna að ég á stundum ansi erfitt með að finna svona "uppáhalds".....finnst oft allt "best" en ég reyni þó að velja úr öllu uppáhaldinu!

 

Fjögur störf sem ég hef unnið um ævina:

0 Sumarvinna í mörg ár hjá Póst-gíróstofunni í Ármúla (ef einhver man eftir henni )
0 Ingvar Helgason hf.
0 Sunnudagaskólastýra á Álftanesi.
0 Núverandi starfsmaður í barna- og unglingastarfi Neskirkju .

Fjórar Bíómyndir sem ég held upp á

0 Lord of the Rings þríleikurinn (get horft á þær aftur og aftur og alltaf eins og ég sé að sjá þær í fyrsta sinn).
0  Adams Æbler
0  Shadowlands
0  Color Purple

Fjórir staðir sem ég hef búið á

0 Reykjavík (Árbær)
0 Reykjavík (Ártúnsholt)
0 Reykjavík (Selás)
0 Hofsós

Fjórir sjónvarpsþættir sem mér líkar

0 KLOVN 
0 American Idol 
0 24
0 Supernatural (ég er enn svo mikil gelgja, hefði líka geta sett hér "Buffy the vampire slayer"...elskaði þá þætti út af lífinu. Keypti meira segja nokkrar seríur á netinu í viðhafnarútgáfu fjölskyldunni til mikillar gleði . Hef eitthvert óútskýranlegt vampýrublæti )

Fjórir staðir sem ég hef heimsótt í fríium

0 Kaupmannahöfn.
0 Spánn (Barcelona)
0 Spánn (Alicante)
0 Holland (Kemperpfennen, hver man ekki eftir sumarhúsaferðum til Kemperfennen sem voru vinsælar seint á síðustu öld og allir leigðu sér hjól og hjóluðu út allt, ótrúlega heilbrigt eitthvað )

Fjórar síður sem ég skoða daglega fyrir utan blogg

0 www.visir.is
0 www.kirkjan.is
0 www.eyjan.is
0 www.ruv.is

Fernt sem ég held upp á matarkyns:

0 Encilladas
0 Heimatilbúin Pizza
0 Serrano matur (er brjáluð í Serrano mat, helst þó gríska burrito)
0  Súpurnar í hádeginu á kaffihúsi Neskirkju….snilld, sérstaklega kjúklingasúpan .

Fjórar bækur sem ég hef lesið oft

0 Ísfólksserían – las þær reglulega aftur og aftur þegar ég var unglingur.
0 Biblína (valdir kaflar, þar fremst meðal jafningja Jóhannesarguðspjall….þreytist aldrei á að lesa það og finn alltaf eitthvað nýtt og gott í hvert sinn)
0 Bækur sem ég las í ritskýringarkúrsum í Guðfræðideildinni – neyddist til að lesa þær oftar en einu sinn til að ná prófum).
0 Aðrar skólabækur….ég hef ekki mikið úthald í að lesa bækur aftur eftir að ég hef lesið þær einu sinni, nema þá tilneydd og þá eru það skólabækur sem eru lesnar tvisvar til þrisvar……algjörlega vegan skyldunnar !

Fjórir bloggara sem ég klukka:

Fórnalömb klukksins eru eftirfarandi (veit ekki hvort ég klukka einvern sem er búin að fá klukk ef svo er þá verður bara að hafa það og viðkomandi vonandi fyrirgefur mér !

Erla Björk

Hrafnhildur

Helga  Dóra

Hildur Inga

Bless í bili !

 

 

Tilvistarkreppublogg

Ég hef verið að blogga um míns eigins tilvistarkreppu upp á síðkastið og svolítið mikið enda þegar maður gengur í gegnum slíka kreppu er alls ekki á allt kosið og allt verður eitthvað svo erfitt, stundum smá gremjulegt og eitthvað svo ófullkomið. Ég ákvað að segja tryggum lesendum mínum frá því að ég er bara held ég örlítið glaðari í dag en í gær... ef þetta heldur áfram verð ég hreinlega eins og syngjandi nunnan í Sound of Music...þvílík verður hamingjan. Ég held að það sé mest um vert fyrir mig að hafa eitthvað fyrir stafni og þegar ég hef nóg fyrir stafni þá er ég ekki ekki að velta hverju skrefi fyrir mér í eigin lífi og hverjum andardrætti sem ég mun taka vonandi næstu áratugina ef Guð lofar. Mér hættir svo til að fá einkenni áráttu- og þráhyggjuhegðunar, þar sem ég bít eitthvað í mig og ég fæ það gjörsamlega á heilann og greini allt um leið niður í frumeindir. Síðan er ég með þetta á heilanum næstu daga, þar til ég er búin að búa til atburðarás í heilanum sem á sér hugsanlega, mögulega enga raunhæfa stoð í raunveruleikanum. Jams...eins og ég sagði um daginn, þá er ég víst ekki fullkomin, heldur alveg hrikalega mannleg og breysk...alla vega þessa dagana en ég bíst við að verða fullkomin seinna !

 

Svo til að minna mig á hvað ég er eitthvað breysk, þá lendi ég í aðstæðum þar sem ég þarf að taka á öllu og allt í einu stara framan í mig aðstæður þar sem ég fyllist pirringi og gremju og öllum pakkanum.....en ég jafna mig. Þetta gerðist áðan ! Það er bara gott að minna sig að lífið er ekki bara sólskin og sleikipinnar og það er gott að vera meðvituð um að það er fullt sem maður þarf að takast á við og ég veit að það er margt í eigin fari sem ég þarf að laga....en stundum finnst manni nóg af því góða og ég er alveg til í að þessum áminningum fari að linna....Þið sem stjórnið þarna uppi á himnum: Ég veit vel að ég er mannleg...!

 

Jæja...þetta átti að vera gleðiblogg en hefur endað í einhverri sjálfs-analíseringu.....þannig að þetta er næstum því alveg að koma gleðiblogg með smá tilvistarkreppuívafi.

 

Hafið það gott....passið ykkur á vespunum, það var ein heil slík sem ruggaði veröldinni minni svo um munar í gær að ég ætlaði ekki að getað sofnað því ég sá hana fyrir mér skríða ofan í hálsinn á mér og stinga mig og ég kafna til bana........svo held ég því fram að ég sé í lagi ! 

Tjuss...

Hafið ekki áhyggjur af morgundeginum....

Svona hljómaði hluti af þeim texta sem prestar landsins predikuðu út frá í gær. Þetta hljómar eitthvað svo einfalt....en er í raun svo flókið þegar á reynir. Ég ætla nú ekki að hafa þetta eitthvert bölmóðsblogg....mér finnst ég alltaf eitthvað vera að barma mér hér ! En ég er bara einhvern veginn á stað í lífinu þar sem ég hef bara oft ansi miklar áhyggjur af morgundeginum og framtíðinni. Ég get ekki losað mig við þessa tilfinningu, en trúið mér ég reyni það af öllum mætti, sál og huga. Ég er svona kassakona. Mér finnst agalega gott að lifa í smá boxi. Það er, mér finnst gott að vita hvað ég er að fara að gera og svona sirka hvernig lífið mitt verður næstu mánuðina. Ég hef einhvern tímann sagt hér að einn af mínum stóru kostum er sá að þegar ég les bækur þá les ég alltaf fyrst, fyrsta kaflann og síðann þann síðasta. Ég bara ræð ekki við að lesa heila bók og þurfa að bíða eftir því að vita hvernig bókin endar. Þess vegna, til að slá á spennuna, les ég síðasta kaflann og þá get ég alveg verið róleg og lesið bókina til enda alveg spennulaust. Ég er greinilega ekki mikill spennufíkill og langvarandi spenna og óvissa geta alveg farið með mig . 

 

Hafið ekki áhyggjur af morgundeginum......látið hverjum degi nægja sína þjáningu ... dag í senn, eitt andartak í einu.....

 

Sálmur sr. Sigurbjörns heitins, blessuð sé minning hans, í sálmabókinni Dag í senn er einhver sá fallegasti sálmur sem ég veit og ég les hann oft og fer með hann eins og bæn. Það róar og hughreystir og hann hjálpar mér að sjá að það er sumt sem ég get ekki stjórnað, sama hvað ég reyni. Það hlýtur að vera tilgangur með öllu og þó að við sjáum hann ekki í strax, þá verður hann manni ljós á endanum. Ég alla vega reyni að trúa því og á meðan verð ég að lifa í deginum í dag en ekki í fjarlægri framtíð. Verkefni dagsins leysast ekki á meðan ég er stödd í huganum 24. október 2009 .... !

 

Ég er annars nokkuð góð, ber mig vel og brosi gegnum tárin !

Eigði góða og gleðilega viku framundan.....

Mótvægisaðgerðir!

Eins og ég sagði fjálglega frá á færslu í gær að þá keypti ég mér fatnað í Hagkaup í gær og tók þannig á áralöngum fordómum mín gagnvart fatnaði úr þeirri ágætu búð sem Íslendingum finnst skemmtilegast að versla í. Í dag þurfti ég að merkjajafna. Við æddum af stað til kaupa íþróttafatnað handa dömum heimilisins sem þurfa nú að fara í íþróttir í skólanum. Pabbanum á heimilinu fannst tilvalið að gefa dætrum sínum (6 og 8 ára) Liverpool búning. Matta sagði strax nei og sagðist vilja stelpuföt, Sigrún varð hálf asnaleg en þorði samt ekki að valda pabba sínum vonbrigðum og sagðist jú alveg vera til í Liverpool búning. Ég benti eiginmanni mínum á að þetta væri alveg upplagt tilefni til að leggja þær í einelti.......þannig að það var bakkað með þetta . Hann þarf bara að eignast son...veit þó ekki alveg hvort að ég bjóði mig fram til verksins !

 

En í Intersport fórum við og keyptum Nike stuttbuxur, bleikar og Puma stuttermaboli, bleika. Þannig að í dag hef ég merkjajafnað og er bara í nokkuð góðu jafnvægi, þó ég segi sjálf frá . Þess má geta að það var stoppað við Liverpool búningana og þeir skoðaðir og dásamaðir. ..... !

Nú er ég á leið í brúðkaup.....það fjórða í sumar, það er tilefni til að fara í spariföt, setja á sig meik og gloss og jafnvel ef vel liggur á mér þá blæs ég á mér hárið! 

 

Leiter....

 

péess....ég er búin að blogga fjórum sinnum á tveimur dögum.....kannski er stíflan hreinlegast brostin og út flæðir viskubrunnur sem aldrei fyrr ! 

Asnalegt að kaupa föt í Hagkaup...

Þegar ég var unglingur var ekkert asnalegra en að kaupa föt í Hagkaup, það hreinlega var ekkert hallærislegra í henni veröld. Ég beit þetta í mig og eins og sannur Íslendingur keypti ég mér aldrei föt í Hagkaup (af því að þar var asnalegt) og ef að ég keypti eitthvað þar, þá laug ég og sagðist hafa fengið þau annars staðar .

Í morgun fór ég í Kringluna og markmiðið var að kaupa eitthvað til að vera í. Mig er farið að vanta vinnuföt og nú átti eitthvað að bæta úr því. Fyrsta búðin sem ég fór í var einmitt Hagkaup. Ég gekk á milli fatarekkanna og sá nokkuð af fötum sem mér leist vel á. En þá var hvíslað í eyra mér aftur úr fortíðinni: En Sunna það er asnalegt að kaupa föt í Hagkaup, það kaupir engin kona föt þar.....kíktu í merkjabúðirnar. Það er miklu flottara að segja fólki að þú hafir keypt föt í Gallerí sautján, In Wear eða Oasis. Út arkaði ég og hóf eyðimerkurgöngu í fataverslunum Kringlunnar. Allt sem ég sá, sem mig langaði í kostaði minnst 13.000 og mest 20.000...og við erum að tala um einn bol....ekki fullan fataskáp
.

Til að gera langa sögu stutta, þá endaði ég þar sem ég hóf gönguna...inni í Hagkaup. Þar fann ég fötin sem mér leist svona ansi vel á í upphafi, mátaði þau og ég leit bara svona ansi vel út ! Ég keypti fötin og gekk bara alsæl út með nýju fötin mín. Þannig að ég keypti föt í Hagkaup í dag........jamm og já!! Ég sagði þessari mýtu (sem er örugglega bara til í hausnum á mér) stríð á hendur. Það skiptir ekki máli hvar maður kaupir fötin sín, ef að þau eru fín og fara manni vel. Síðan er ekki verra ef að buddan léttist ekki um of við kaupin, það er eiginlega bara bónus á þessum síðustu og verstu . 

 

Þar hafiði það....ég er ekki fullkomin, eins og þið að sjálfsögðu hélduð ! Heldur fæ ég svona alveg í laumi hressandi hrokaköst og þarf að taka á honum stóra mínum til að vinna bug á honum. Það er þó bót í máli að hrokaköstin snúast um hluti sem eru ekkert svo mikilvægir þegar öllu er á botninn hvolft. Þannig að ég á mér einhverjar málsbætur hér. Unglingurinn er enn til staðar þegar kemur að fötum og merkjum ! Ætli ég hafi ekki bara þroskast smá í dag....obbolítið hænuskref !

Góða nótt og sæta drauma! 

 

 

Hugsað upphátt!

Mér líður akkúrat núna eins og ég sé stödd á skeri einhvers staðar úti á miðju vatni og hvergi fast land í sjónamáli, en samt verð ég að komast í land sem fyrst áður en ég missi vitið ! Svona hefur þetta ár verið nokkurn veginn og ég er alveg til í að fara að ná landi !

Eigði góðan helgi og munið að það er best að syngja í rigningunni !

Það er að draga til tíðinda í veðrinu....

Það fór um mig sælutilfinning þegar Siggi stormur sagði þetta rétt í þessu í veðurfréttum. Þetta hefur ekki heyrst núna um alla langt skeið og ég hreinlega farin að sakna þess að fá eins og einn góðan storm ! En nú er þetta sem sagt staðreynd....það er að koma stormur og slagveðurs rigning af verstu gerð! Það er eins gott að það komi vont veður og slatti af rigingu til að þurrka gleðibrosið af landsmönnum sem hefur ekki farið af þeim í öllu þessu handboltafári. Ég bara kann ekki við svona mikið af gleði....öllu má ofgera !

 

• Ég er annars í smá logni, búin að fræða 110 fermingarbörn í síðustu viku um Jóhannesarguðspjall og nú er vetrarstarfið fram undan.
• Búin að koma yngstu dóttur minni í skóla, en hún að byrja núna í 6 ára bekk.
  
• Búin að koma hinum tveimur grísunum af stað líka.
  
• Búin að gera mest lítið alla þessa viku.
  
• Er að reyna finna neistann til að byrja að skrifa tímamótaverkið aftur eftir langa, langa, langa hríð.
• Er að reyna að hugsa ekki of mikið um hluti sem ég get ekki haft nein áhrif á.
• Er að reyna að pirrast ekki of mikið yfir öllum þeim hlutum sem ákváðu að bila í þessum mánuði, þar má telja báða bíla heimilisins og nú síðast þvottavélin.
• Er að reyna að hætta að borða nammi.
• Er að reyna að fara að hreyfa mig.
  
• Er að reyna að hætta að reyna svona mikið !

Ég þori ekki að lofa að nú sé endurkoman mikla í bloggheima að eiga sér stað....það er svo ansalegt að segjast vera komin aftur á fullt en svo gerist ekkert. En það er alla vega kominn meiri tími til að blogga núna aftur og hver veit nema eitthvað gerist....vegir Guðs eru órannsakanlegir sagði einhver snillingur !

 

Eigið góðan dag og gleðilegan storm !

Konan að reyna að vera í aðhaldi...

.......Og það fyrsta sem hún gerir þegar hún kemur heim er að missa sig í súkkulaðirúsínum. Hún keypti þær í gær fyrir smá kaffiboð og fékk konan sér ekki eins og eina litla smárúsínu. Nú kom sú sama kona heim áðan, þreytt og svöng eftir að hafa elt 20 börn á Árbæjarsafni og það fyrsta sem hún sér er skálin með rúsínunum. Konan sór og sárt við lagði að fá sér ekki neitt og hóf eldamennsku af miklum móð. Augun leituðu þó alltaf til skálarinnar góðu og áður en hún vissi af var munnurinn fullur af gómsætum súkkulaðirúsínum og tilfinningin sem fór um hana var guðdómleg. Aðhald er það gremjulegasta sem er til og þessi umrædda kona er í hinu mesta basli þessa dagana að halda fögur fyrirheit um breytt mataræði og grennri maga. Það er víst ekki á allt kosið þessa dagana í lífi þessarar annars ágætu konu !